மக்கள் செல்வன் விஜய்சேதுபதி நடித்த மாமனிதன், சிந்துபாத் ஆகிய படங்கள் ரிலீசுக்கு தயாராகிவிட்டது. மேலும் அவரது நடிப்பில் 'சங்கத்தமிழன்', 'லாபம்', 'சயிர நரசிம்மரெட்டி', 'உள்பட ஒருசில படங்களின் படப்பிடிப்புகள் நடந்து வருகிறது.

இந்த நிலையில் கே.ஆர்.ஜே ஸ்டுடியோஸ் நிறுவனத்தின் அடுத்த தயாரிப்பில் அறிமுக இயக்குனர் விருமாண்டி இயக்கத்தில் உருவாகும் ஒரு படத்தில் விஜய்சேதுபதி நடிக்கவுள்ளார். இந்த படத்தில் அவர் சிறப்பு தோற்றத்தில் மட்டுமே நடிக்கவுள்ளதாக கூறப்படுகிறது.

இந்த நிலையில் இந்த படத்தில் விஜய்சேதுபதிக்கு ஜோடியாக பிரபல நடிகை ஐஸ்வர்யா ராஜேஷ் நடிக்கவுள்ளார். இவர் ஏற்கனவே விஜய்சேதுபதியுடன், 'ரம்மி', 'பண்ணையாரும் பத்மினியும்' 'தர்மதுரை' மற்றும் இன்னும் வெளிவராத 'இடம் பொருள் ஏவல்' ஆகிய படங்களில் நடித்த நிலையில் தற்போது மீண்டும் 5வது முறையாக அவருடன் ஜோடி சேருகிறார்.

இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த விபரங்கள் விரைவில் வெளியாகவுள்ளன.