ഐശ്വര്യ ഇനി ബോളിവുഡിൽ
- IndiaGlitz, [Tuesday,June 20 2017]
സഖാവ്, ജോമോന്റെ സുവിശേഷങ്ങൾ എന്നീ ചിത്രങ്ങളുടെ മലയാളികൾക്ക് സുപരിചിതയായ തെന്നിന്ത്യൻ നായിക ഐശ്വര്യ രാജേഷ് ബോളിവുഡിൽ അരങ്ങേറുന്നു. ഡാഡി എന്ന ചിത്രത്തിൽ അർജുൻ രാംപാലിന്റെ നായികയായാണ് ഐശ്വര്യയുടെ തുടക്കം.
ചിത്രത്തിന്റെ ട്രെയിലർ കഴിഞ്ഞ ദിവസം പുറത്തുവന്നു. 1970കളിലെ മുംബയ് യെ പശ്ചാത്തലമാക്കി ഒരുക്കുന്ന പൊളിറ്റിക്കൽ ത്രില്ലറാണ് ഡാഡി. അർജുൻ രാംപാൽ അധോലോക നായകന്റെ വേഷമാണ് അവതരിപ്പിക്കുന്നത്.
ആഷിം അലുവാലിയ സംവിധാനം ചെയ്യുന്ന ചിത്രം ജൂലായിൽ തിയേറ്ററുകളിലെത്തും. അർജുൻ കപൂറും ആഷിം അലുവാലിയയും ചേർന്നാണ് തിരക്കഥ രചിച്ചിരിക്കുന്നത്. വട ചെന്നൈ, ധ്രുവനച്ചത്തിരം, ഇത് വേതാളം സൊല്ലും കഥൈ തുടങ്ങിവയാണ് ഐശ്വര്യയുടെ പുതിയ കോളിവുഡ് ചിത്രങ്ങൾ