கோலிவுட் திரையுலகின் முன்னணி நடிகைகளில் ஒருவரான ஐஸ்வர்யா ராஜேஷ் கடந்த ஆண்டு 'லட்சுமி', 'சாமி 2', 'செக்க சிவந்த வானம்', 'வடசென்னை' மற்றும் 'கனா' போன்ற படங்களில் நடித்தார். இவற்றில் செக்க சிவந்த வானம்', 'வடசென்னை' மற்றும் 'கனா' ஆகிய மூன்று படங்களும் அவருக்கு நல்ல பாராட்டுக்களை பெற்று தந்தது

இந்த நிலையில் தற்போது ஐஸ்வர்யா ராஜேஷ் தற்போது இரண்டு புதிய படங்களில் நடிக்க ஒப்பந்தமாகியுள்ளார். அவற்றில் ஒன்று மணிரத்னம் தயாரிப்பு மற்றும் திரைக்கதையில் உருவாகும் படம். இந்த படத்தில் ஜிவி பிரகாஷ் நாயகனாக நடிக்க அவருக்கு தங்கையாக நடிக்கின்றார் ஐஸ்வர்யா ராஜேஷ்.

மேலும் இயக்குனர் சுசீந்திரன் இயக்கத்தில் உருவாகும் 'மகளிர் அணி' படத்திலும் ஐஸ்வர்யா ராஜேஷ் முக்கிய வேடத்தில் நடிக்கவுள்ளார்.

அதுமட்டுமின்றி தனுஷின் 'வடசென்னை 2', 'கோபிநாயனாரின் அடுத்த பட்ம், 'இது வேதாளம் சொல்லும் கதை' மற்றும் 'துருவ நட்சத்திரம்' போன்ற படங்களிலும் ஐஸ்வர்யா ராஜேஷ் நடித்து வருகிறார் என்பது குறிப்பிடத்தக்கது.