பிரபல நடிகை ஐஸ்வர்யா ராய் தனது இன்ஸ்டாகிராம் பக்கத்தில் ‘ரக்சாபந்தன்’ வாழ்த்து தெரிவித்து 2 புகைப்படங்கள் பதிவு செய்துள்ள நிலையில் அந்த புகைப்படத்தில் உள்ள ஒரு சில விஷயங்களை நெட்டிசன்கள் கண்டுபிடித்துள்ளனர்.

மணிரத்தினம் இயக்கிய ’இருவர்’ என்ற திரைப்படத்தின் மூலம் திரையுலகில் அறிமுகமான ஐஸ்வர்யாராய் அதன் பின்னர் ’ஜீன்ஸ்’ ’கண்டுகொண்டேன் கண்டுகொண்டேன்’ ’எந்திரன்’ ’ராவணன்’ போன்ற தமிழ் படங்களில் நடித்துள்ள நிலையில் தற்போது மீண்டும் ’பொன்னியின் செல்வன்’ என்ற படத்தில் நடித்து வருகிறார்.

இந்த நிலையில் இன்ஸ்டாகிராம் பக்கத்தில் ஐஸ்வர்யாராய் எப்போதாவது பதிவுகள் செய்யும் நிலையில் தற்போது ‘ரக்சாபந்தனை முன்னிட்டு அனைவருக்கும் வாழ்த்து தெரிவித்து இரண்டு புகைப்படங்களை பதிவு செய்துள்ளார். இந்த புகைப்படத்தில் அவர் கையில் கட்டியுள்ள வாட்ச் குறித்த ஆராய்ச்சியில் நெட்டிசன்கள் ஈடுபட்டுள்ளனர்.

இந்த புகைப்படத்தில் அவர் கட்டியுள்ள வாட்ச் உலக அளவில் பிரபலமான ஒரு நிறுவனத்தின் தயாரிப்பு என்பதும், இந்த நிறுவனத்தின் விளம்பர தூதராக பல ஆண்டுகளாக ஐஸ்வர்யா ராய் இருந்து வருவதாகவும், ‘ரக்சாபந்தன்’ வாழ்த்து கூறுவது போல் தான் விளம்பர தூதுவராக இருக்கும் நிறுவனத்தின் வாட்சையும் அவர் விளம்பரப்படுத்தி உள்ளதாகவும் நெட்டிசன்கள் கண்டுபிடித்துள்ளனர். மேலும் இந்த வாட்சின் விலை ஒரு லட்சத்து 34 ஆயிரத்து 500 ரூபாய் என்றும் நெட்டிசன்கள் கண்டுபிடித்த தகவல்களில் ஒன்று என்பது குறிப்பிடத்தக்கது.

View this post on Instagram

A post shared by AishwaryaRaiBachchan (@aishwaryaraibachchan_arb)