14வது மாடியில் இருந்து குதித்து இளம்பெண் தற்கொலை: ஐஸ்வர்யா ராய் அதிர்ச்சி
- IndiaGlitz, [Wednesday,June 10 2020]
ஐஸ்வர்யா ராய் உட்பட பல முன்னணி பிரபலங்களுக்கு மேனேஜராக இருந்த இளம்பெண் ஒருவர் 14-வது மாடியில் இருந்து கீழே குதித்து தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.
மும்பை மலாட் என்ற பகுதியில் 14-வது மாடியில் திஷா ஷாலியன் என்ற இளம்பெண் வசித்து வந்தார். இந்த நிலையில் நேற்று மாலை திடீரென அவர் 14-வது மாடியில் இருந்து கீழே குதித்தார். 14-வது மாடியில் இருந்து குதித்து இரத்த வெள்ளத்தில் இருந்த அவரை அந்த பகுதியில் உள்ளவர்கள் மருத்துவமனைக்கு கொண்டு சென்ற நிலையில் அவர் ஏற்கனவே இறந்துவிட்டதாக மருத்துவர்கள் தெரிவித்தனர்.
திஷா ஷாலியன் தற்கொலைக்கு காரணம் என்ன என்பது குறித்து போலீசார் தீவிரமாக விசாரணை செய்து வருகின்றனர். தற்கொலை குறித்த கடிதம் எதுவும் இல்லை கிடைக்கவில்லை என்றும் போலீசார் தரப்பில் இருந்து தெரிவிக்கப்பட்டுள்ளது.
தற்கொலை செய்து கொண்ட திஷா ஷாலியன், ஐஸ்வர்யா ராய், வருண் ஷர்மா, சுஷாத் போன்ற பாலிவுட் பிரபலங்களுக்கு மேனேஜராக பணிபுரிந்து வந்தார் என்பது குறிப்பிடத்தக்கது. இவரது மறைவிற்கு ஐஸ்வர்யாராய் உள்பட பாலிவுட் பிரபலங்கள் தங்களது அதிர்ச்சியை தெரிவித்துள்ளனர்.