பிரபல இயக்குனர் மணிரத்னம் இயக்கத்தில் உருவாகியுள்ள ’பொன்னியின் செல்வன்’ என்ற திரைப்படம் வரும் 30ஆம் தேதி வெளியாகவிருக்கும் நிலையில் இந்த படத்திற்கு மிகப்பெரிய எதிர்பார்ப்பு ஏற்பட்டு உள்ளது என்பதும் இந்த படத்தின் முன்பதிவு விறுவிறுப்பாக நடைபெற்று வருகிறது என்பது குறிப்பிடத்தக்கது

இந்த நிலையில் இந்த படத்தில் நந்தினி என்ற கேரக்டரில் நடித்துள்ள ஐஸ்வர்யாராய்,  இந்த படத்தில் நடித்த அனுபவங்கள் குறித்து மிகவும் பேட்டி ஒன்றில் கூறியுள்ளார். வரலாற்று கதையம்சம் கொண்ட இந்த படத்தில் நடித்தது தனக்கு மிகப்பெரிய மகிழ்ச்சி என்றும் இந்த படத்தின் படப்பிடிப்பின்போது செட்டிற்குள் நுழைந்தவுடனே தனக்கு மிகப்பெரிய ஆச்சரியமாக இருந்தது என்றும் கூறியுள்ளார்

மேலும் இந்த படத்தின் படப்பிடிப்பை பார்க்க தனது மகள் ஆராத்யா அவ்வப்போது உடன் வருவார் என்றும் அப்போது மணிரத்னம் தனது மகளுக்கு ’ஆக்சன்’ என்று கூறும் வாய்ப்பை கொடுத்துள்ளார் என்றும் தெரிவித்துள்ளார். இதுகுறித்து தனது மகள் தன்னிடம் கூறியபோது எனக்கு அதிர்ச்சி கலந்த ஆச்சரியமாக இருந்தது என்று அவர் தெரிவித்துள்ளார். எனவே இந்த படத்தில் ஒரு சில காட்சிகளுக்கு ’ஆக்சன்’ என்று கூறியது ஐஸ்வர்யா ராயின் மகள் ஆராத்யா என்ற தகவல் ரசிகர்களுக்கும் பெரும் ஆச்சரியத்தை ஏற்படுத்தி உள்ளது.

லைகா நிறுவனத்தின் சுபாஷ்கரன் அவர்களின் பிரமாண்டமான தயாரிப்பில் உருவாகியுள்ள இந்த படத்திற்கு இசைப்புயல் ஏஆர் ரகுமான் இசையமைத்துள்ளார். விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, விக்ரம் பிரபு, பிரபு, ஜெயராம், ஐஸ்வர்யா லட்சுமி, சரத்குமார், பார்த்திபன், பிரகாஷ்ராஜ், ரகுமான், கிஷோர், அஸ்வின், நிழல்கள் ரவி, ரியாஸ்கான், லால், மோகன் ராமன், பாலாஜி சக்திவேல் உள்பட பலர் இந்த படத்தில் நடித்துள்ளனர்.