குழந்தைகளுடன் சூப்பர்ஸ்டார் ரஜினி மகளின் ஹோலி கொண்டாட்டம்… வைரல் புகைப்படம்!
- IndiaGlitz, [Monday,March 29 2021]
வண்ணங்களின் திருவிழாவான ஹோலி பண்டிகை இன்று நாடு முழுவதும் கொண்டாடப்பட்டு வருகிறது. இந்தப் பண்டிகை வட மாநிலங்களில் விமர்சையாகக் கொண்டாடப் பட்டாலும் தென்னிந்தியாவில் பிரச்சித்தி பெறாத ஒரு விழாவாகவே இருந்து வருகிறது. இந்நிலையில் நடிகர் தனுஷ்ஷின் மனைவியும் சூப்பர் ஸ்டாரின் மகளுமான ஐஸ்வர்யா தனுஷ் தன்னுடைய குழந்தைகளுடன் ஹோலி பண்டிகையை சிறப்பாகக் கொண்டாடி உள்ளார்.
இதுகுறித்த புகைப்படத்தை ஐஸ்வர்யா தன்னுடைய இன்ஸ்டாகிராம் பக்கத்தில் பதிவிட்டு உள்ளார். அதில் நடிகர் தனுஷ்-ஐஸ்வர்யா தம்பதிகளின் யாத்ரா மற்றும் லிங்கா ஆகிய இருமகன்களும் உள்ளனர். இவர்கள் இருவரும் சேர்ந்து தங்களது அம்மாவின் கன்னத்தில் ஹோலி பொடியைப் பூசுவது போன்று இருக்கும் இந்தப் புகைப்படம் தற்போது இணையத்தில் படு வைரலாகி வருகிறது.
நடிகர் தனுஷ் மற்றும் ஐஸ்வர்யா இருவரும் காதலித்து கடந்த 2004 ஆம் ஆண்டு திருமணம் செய்து கொண்டனர். சினிமா இயக்கத்தில் ஆர்வம் கொண்ட ஐஸ்வர்யா திருமணத்திற்கு பின்னர் சில திரைப்படங்களை இயக்கி இருந்தார். அதேபோல நடிகர் தனுஷ் தமிழின் முன்னணி நடிகராக இருப்பதோடு தற்போது தேசிய விருதுக்கும் சொந்தக்காரராக மாறியுள்ளார். இந்தத் தம்பதியினரின் குழந்தைகள் ஹோலி கொண்டாடியப் புகைப்படம் தற்போது இணையத்தில் படு வைரலாகி வருகிறது.