பிரபல இயக்குனர் மணிரத்னம் இயக்கவுள்ள அடுத்த படத்தில் விஜய்சேதுபதி, துல்கர் சல்மான் உள்பட நான்கு ஹீரோக்கள் நடிக்கவுள்ளனர் என்பதும் இந்த படத்தில் பாலிவுட் நடிகர் சலீப் அலிகான் மகள் சாரா அலிகான் நடிக்கவுள்ளார் என்பதும் தெரிந்ததே. இந்த நிலையில் இந்த படத்தின் முக்கிய கேரக்டர் ஒன்றில் ஜோதிகா நடிக்க ஒப்பந்தமாகியுள்ளார் என்ற செய்தியை நேற்று பார்த்தோம்

இந்த நிலையில் ஜோதிகாவை அடுத்து மேலும் ஒரு நாயகி இந்த படத்தில் இணைந்துள்ளதாக தற்போது செய்தி வெளிவந்துள்ளது. அவர்தான் 'தர்மதுரை', 'மனிதன்', 'காக்கா முட்டை' உள்பட பல வெற்றி படங்களில் நடித்த ஐஸ்வர்யா ராஜேஷ். மணிரத்னம் இயக்கத்தில் முதன்முதலில் நடிக்கவுள்ள ஐஸ்வர்யாவுக்கு இந்த வாய்ப்பு மிகப்பெரியது என்பது குறிப்பிடத்தக்கது.

இன்னும் டைட்டில் வைக்கப்படாத இந்த படத்தில் மேலும் சில முக்கிய நட்சத்திரங்கள் இணையவுள்ளதாகவும், அதுகுறித்த செய்தி விரைவில் வெளிவரும் என்றும் கூறப்படுகிறது.