சமீபத்தில் நடந்த பொங்கல் விழாவில் கலந்து கொண்ட நடிகை ஐஸ்வர்யா ராஜேஷ் அதே நிகழ்ச்சியில் கலந்து கொண்ட அமைச்சர் ஒருவரை அவர் இளமையாக இருப்பதாகவும் அழகாக இருப்பதாகவும் கூறியுள்ளது பரபரப்பை ஏற்படுத்தி உள்ளது.

தமிழ் திரையுலகின் முன்னணி நடிகைகளின் ஒருவர் ஐஸ்வர்யா ராஜேஷ் என்பதும் இவரது நடிப்பில் தற்போது கருப்பர் நகரம்’, ‘மோகன் தாஸ்’, ‘தீயவர் குலைகள் நடுங்க’ உட்பட சில படங்கள் உருவாகி வருகிறது

இந்த நிலையில் சமீபத்தில் நடிகை ஐஸ்வர்யா ராஜேஷ், இலங்கை நுவரெலியா மாவட்டத்தில் நடந்த பொங்கல் விழாவில் கலந்து கொள்ள அழைப்பு வந்ததை எடுத்து அதில் கலந்து கொண்டார் அவருடன் நடிகைகள் ஐஸ்வர்யா தத்தா, சம்யுக்தா உள்ளிட்டோர் கலந்து கொண்டனர்.

இந்த விழாவில் பேசி ஐஸ்வர்யா ராஜேஷ் ’பொங்கல் விழாவில் அமைச்சர் கலந்து கொள்வார் என்று சொன்னவுடன், அமைச்சர் வயதான நபராக இருப்பார் என்று தான் நினைத்தேன். ஆனால் அமைச்சர் ஜீவன் தொண்டமான் அழகாகவும் இருக்கிறார், இளமையாகவும் இருக்கிறார்.

குறைந்த வயதில் ஒருவர் அமைச்சராகி உள்ளார், அதுமட்டுமின்றி அவர் பல நல்ல விஷயங்களை செய்து வருவதாக கேள்விப்பட்டேன் என்றும் ஐஸ்வர்யா ராஜேஷ் தெரிவித்தார்.

29 வயதான இலங்கை அமைச்சர் ஜீவன் தொண்டமான் நுவரெலியா மாவட்டத்தில் எம்பியாக தேர்வு செய்யப்பட்டு தற்போது இலங்கையின் சமூக உட்கட்டமைப்பு அமைச்சராக உள்ளார் என்பது குறிப்பிடத்தக்கது