ஐஸ்வர்யா ராய்க்கு என்ன ஆச்சு? கையில் கட்டுடன் கேன்ஸ் திரைப்பட விழாவில் பங்கேற்பு..!
- IndiaGlitz, [Thursday,May 16 2024]
நடிகை ஐஸ்வர்யா ராய் கேன்ஸ் திரைப்பட விழாவிற்கு கடந்த 20 ஆண்டுகளுக்கு மேலாக ஒவ்வொரு ஆண்டும் சென்று வருகிறார் என்பது பலர் அறிந்தது. அந்த வகையில் இந்த ஆண்டும் அவர் பிரான்ஸ் நாட்டில் நடைபெறும் கேன்ஸ் திரைப்பட விழாவுக்கு சென்றபோது அவரது கையில் கட்டு இருந்ததை பார்த்து ரசிகர்கள் அதிர்ச்சி அடைந்து ஐஸ்வர்யா ராய்க்கு என்ன ஆச்சு என்ற கேள்வியை எழுப்பி வருகின்றனர்.
கடந்த 20 ஆண்டுகளுக்கு மேலாக ஐஸ்வர்யா ராய் இல்லாத கேன்ஸ் திரைப்படவிழாவே இல்லை என்று கூறப்படும் நிலையில் அவருக்கு கேன்ஸ் திரைப்பட விழாவில் ஒவ்வொரு ஆண்டும் சிவப்பு கம்பளம் மரியாதை அளிக்கப்படும் என்பதும் குறிப்பாக அவர் கேன்ஸ் விழாவில் அணிந்து வரும் ஆடை உலக அளவில் பிரபலம் ஆகும் என்பது குறிப்பிடத்தக்கது.
திருமணத்திற்கு பின்னரும், குழந்தை பெண்ணாக குழந்தை பிறந்த பின்னரும் அவர் தொடர்ச்சியாக கேன்ஸ் திரைப்பட விழாவிற்கு சென்று வருகிறார் என்பதும் குறிப்பாக கடந்த சில ஆண்டுகளாக தனது மகளையும் அவர் அழைத்து சென்று வருகிறார் என்பது குறிப்பிடத்தக்கது.
இந்த நிலையில் இந்த ஆண்டு கேன்ஸ் திரைப்பட விழாவுக்கு செல்வதற்காக ஐஸ்வர்யா ராய் மும்பை விமான நிலையத்தில் வந்த போது அவரது கையில் கட்டு இருந்ததை பார்த்து ரசிகர்கள் அதிர்ச்சி அடைந்துள்ளனர். அவர் விமான நிலையத்தில் நடந்து சென்ற போது உங்கள் கைக்கு என்ன ஆச்சு? கையை கவனமாக பார்த்துக் கொள்ளுங்கள் என்று கூறியதோடு அவரது மகளிடமும் அம்மாவை பத்திரமாக பார்த்துக் கொள்ளுங்கள் என்று கூறினர். ஆனால் ரசிகர்களுடைய கேள்விக்கும் பதில் சொல்லாமல் ஐஸ்வர்யா தனது மகளுடன் விமானத்தை பிடிப்பதற்காக சென்று விட்டதாக தெரிகிறது.
இந்த நிலையில் ஐஸ்வர்யா ராய் கையில் கட்டு போட்டதற்கு என்ன காரணம் என்று இதுவரை தெரியவில்லை என்றாலும் விரைவில் இது குறித்த தகவல் வெளியாகும் என்று எதிர்பார்க்கப்படுகிறது.