విల‌న్‌గా ఐశ్వర్యారాయ్
- IndiaGlitz, [Thursday,May 16 2019]
ఇప్పటి వ‌ర‌కు బాలీవుడ్‌తో పాటు టాలీవుడ్‌లో స్టార్ హీరోయిన్‌గా రాణించిన ఐశ్వర్యారాయ్.. చాలా గ్యాప్ త‌ర్వాత ద‌క్షిణాదిన సినిమా చేయ‌నుంది. మ‌ణిర‌త్నం దర్శకత్వంలో పొన్నియ‌న్ సెల్వ‌న్ సినిమా రూపొంద‌నున్న సంగ‌తి తెలిసిందే. తెలుగు, త‌మిళం స‌హా బాలీవుడ్‌లో కూడా ప్ర‌ముఖ తార‌లు ఈ సినిమాలో న‌టిస్తున్నారు. భారీ బ‌డ్జెట్‌తో ప్ర‌తిష్టాత్మ‌కంగా రూపొందుతోన్న ఈ చిత్రంలో ఐశ్వర్యారాయ్ కూడా న‌టిస్తున్నారు. లేటెస్ట్ స‌మాచారం ప్ర‌కారం ఐశ్వర్యారాయ్ నెగ‌టివ్ రోల్‌లో క‌నిపించ‌నున్నారు.
రాజ్యాధికారం కోసం కుట్ర‌లు చేసే నందిని అనే పాత్ర‌లో ఐశ్వర్యారాయ్ క‌న‌ప‌డ‌బోతున్నారని కోలీవుడ్ వ‌ర్గాల స‌మాచారం. ప్ర‌స్తుతం ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఈ ఏడాది చివ‌ర్లో సినిమాను ప్రారంభించ‌నున్నారు. టాలీవుడ్ నుండి మోహ‌న్ బాబు కీల‌క పాత్ర‌లో న‌టిస్తున్నారు.