2.0 படத்தில் ஐஸ்வர்யாராய் நடித்துள்ளாரா?
- IndiaGlitz, [Wednesday,April 04 2018]
சூப்பர் ஸ்டார் ரஜினிகாந்த் நடிப்பில் ஷங்கர் இயக்கியுள்ள '2.0' திரைப்படத்தின் படப்பிடிப்பு முடிவடைந்து தற்போது கிராபிக்ஸ் பணிகள் உலகின் பல நாடுகளில் நடைபெற்று வருகிறது. இந்த பணிகள் முடியும் காலம் சரியாக தெரியாததால் ரிலீஸ் தேதியும் அவ்வப்போது மாற்றம் செய்யப்பட்டு வருகிறது
இந்த படத்தில் ரஜினிகாந்த் முதல் பாகத்தில் நடித்தது போலவே விஞ்ஞானி வசீகரன் மற்றும் ரோபோ சிட்டியாக நடித்துள்ளார். சிட்டியின் காதலியாகவும் ரோபோவாகவும் எமிஜாக்சன் நடித்துள்ளார். மேலும் பாலிவுட்டின் பிரபல நடிகர் அக்சயகுமார் வில்லன் வேடத்தில் நடித்துள்ளார்.
இந்த நிலையில் இந்த படம் 'எந்திரன்' படத்தின் ஒரிஜினல் இரண்டாம் பாகம் என்பதால் முதல் பாகத்தில் நடித்திருந்த ஐஸ்வர்யாராய் ஒருசில காட்சிகளில் இந்த படத்தில் தோன்றுவதாக செய்திகள் வெளிவந்து கொண்டிருக்கின்றன. இந்த தகவல் உண்மையா? அப்படியே உண்மையாக இருந்தாலும் இந்த படத்திற்காக பிரத்யேகமாக ஐஸ்வர்யாராய் சம்பந்தப்பட்ட காட்சிகள் எடுக்கப்பட்டதா? அல்லது முதல் பாகத்தில் எடுத்த காட்சிகளில் சில இந்த படத்தில் இணைக்கப்பட்டதா? என்பது குறித்து படம் வெளிவந்த பின்னர்தான் உறுதியாக சொல்ல முடியும்