ஜனவரியில் நயன்தாரா ரசிகர்களுக்கு முப்பெரும் விருந்து
- IndiaGlitz, [Wednesday,January 02 2019]
லேடி சூப்பர் ஸ்டார் நயன்தாரா கடந்த ஆண்டு நடித்த 'கோலமாவு கோகிலா' மற்றும் இமைக்கா நொடிகள் ஆகிய திரைப்படங்கள் சூப்பர் ஹிட் ஆகிய நிலையில் இந்த ஆண்டும் அவருடைய வெற்றி தொடரும் என எதிர்பார்க்கப்படுகிறது. இந்த ஆண்டு அஜித்துடன் நயன்தாரா நடித்த 'விஸ்வாசம்', திரைப்படம் ஜனவரி 10ல் வெளியாகவுள்ள நிலையில் அவர் நடித்து வரும் 'கொலையுதிர்க்காலம் திரைப்படமும் இம்மாத இறுதியில் வெளியாகவுள்ளதாக அறிவிக்கப்பட்டுள்ளது.
இந்த நிலையில் ஜனவரி 5ஆம் தேதி நயன்தாரா நடித்த 'ஐரா' படத்தின் டீசர் வெளியாகவுள்ளதாக அறிவிக்கப்பட்டுள்ளது. எனவே இந்த ஜனவரி மாதம் ஐரா டீசர், 'விஸ்வாசம்' ரிலீஸ், 'கொலையுதிர்க்காலம்' ரிலீஸ் என அவரது ரசிகர்களுக்கு முப்பெரும் விருந்து காத்திருக்கின்றது என்பது குறிப்பிடத்தக்கது. மேலும் நயன்தாரா 'சயிரா நரசிம்மரெட்டி, சிவகார்த்திகேயனுடன் நடிக்கும் படம் ஆகியவைகளும் இந்த ஆண்டில் வெளியாகும் என்பது குறிப்பிடத்தக்கது.
'ஐரா' படத்தை இயக்குனர் சர்ஜூன் இயக்கியுள்ளார். இவர் ஏற்கனவே 'லட்சுமி', 'மா' ஆகிய குறும்படங்களையும் சத்யராஜ், வரலட்சுமி நடித்த 'எச்சரிக்கை இது மனிதர்கள் நடமாடும் இடம்' என்ற படத்தையும் இயக்கியவர் என்பது குறிப்பிடத்தக்கது. இந்த படத்தில் நயன்தாராவுடன் கலையரசன், யோகிபாபு, ஜெயபிரகாஷ், லீலாவதி உள்பட பலர் நடித்துள்ளனர்.