லேடி சூப்பர் ஸ்டார் நயன்தாராவுக்கு கடந்த ஆண்டு வெற்றி ஆண்டாக இருந்த நிலையில் இந்த ஆண்டின் ஆரம்பமே அவருக்கு விஸ்வாசம்' என்ற பிரமாண்ட வெற்றியை கொடுத்துள்ளது. அதனையடுத்து இந்த ஆண்டுக்குள் அவர் நடித்து வரும் 'கொலையுதிக்காலம்', 'ஐரா', 'சயிர நரசிம்ம ரெட்டி', தளபதி 63' உள்பட அரை டஜன் படங்கள் வெளியாகும் என எதிர்பார்க்கப்படுகிறது.

இந்த நிலையில் முதல்முறையாக இரட்டை வேடத்தில் நயன்தாரா நடித்து பெரும் எதிர்பார்ப்பை ஏற்படுத்தியுள்ள படம் 'ஐரா'. இந்த படத்தின் டீசர் சமீபத்தில் வெளியாகி மிகப்பெரிய வரவேற்பை பெற்ற நிலையில் இன்று மாலை 5 மணிக்கு இந்த படத்தின் சிங்கிள் பாடல் வெளியாகவுள்ளது.

'மேகதூதம்' என்று தொடங்கும் இந்த பாடல் சுந்தரமூர்த்தி இசையில் தாமரை வரிகளில் உருவாகியுள்ளது. 'என்னை நீ மறவாதிரு, புயல் காற்றிலும் பிரியாதிரு, போன்ற ஆழமான வரிகளுடன் அமைந்துள்ள இந்த பாடல் அனைத்து தரப்பினர்களையும் கவரும் என எதிர்பார்க்கப்படுகிறது.

இயக்குனர் சர்ஜூன் இயக்கத்தில் உருவாகியுள்ள இந்த படத்தில் நயன்தாராவுடன் கலையரசன், யோகிபாபு, ஜெயபிரகாஷ், லீலாவதி உள்பட பலர் நடித்துள்ளனர்.