எடப்பாடி பழனிச்சாமி முதல்வர் எதிரொலி: அதிமுக தொண்டர் தீக்குளிப்பு
- IndiaGlitz, [Thursday,February 16 2017]
தமிழக ஆளுனர் வித்யாசாகர் ராவ் கடந்த சில மணி நேரங்களுக்கு முன்னர் அதிமுக சட்டமன்ற கட்சி தலைவராக தேர்வு செய்யப்பட்ட எடப்பாடி பழனிச்சாமியை ஆட்சி அமைக்க அழைப்பு விடுத்தார். இந்த அழைப்பை ஏற்று இன்று மாலை அவர் முதல்வராகவும், அவரது தலைமையில் அமைச்சர்களும் பதவியேற்கவுள்ளனர்.
எடப்பாடி பழனிச்சாமி முதல்வர் பதவியேற்கவுள்ள நிலையில் அதிர்ச்சி அடைந்த காஞ்சிபுரத்தை சேர்ந்த அதிமுக தொண்டர் ஒருவர் தற்கொலை செய்யும் முயற்சியில் தீக்குளித்தார். தற்போது அவர் படுகாயத்துடன் சென்னை கீழ்ப்பாக்கம் மருத்துவமனையில் சிகிச்சை பெற்று வருகிறார்.
இந்நிலையில் காயமடைந்து சிகிச்சை பெற்று வரும் அதிமுக தொண்டரை முதல்வர் ஓபிஎஸ் அவர்கள் நேரில் சந்தித்து அவரது குடும்பத்தினர்களுக்கு ஆறுதல் வழங்கியதோடு நிவாரண நிதியும் வழங்கியுள்ளார். இனிமேல் இதுபோன்ற செயல்களில் ஈடுபடக்கூடாது என்று தொண்டருக்கு அவர் அறிவுரை வழங்கியதாகவும் தெரிகிறது.