'மூடர் கூடம்' இயக்குனர் நவீன் இயக்கத்தில் விஜய் ஆண்டனி மற்றும் அருண்விஜய் ஆகிய இருவரும் முக்கிய வேடத்தில் நடிக்கவுள்ள திரைப்படத்தின் டைட்டிலுடன் கூடிய ஃபர்ஸ்ட்லுக்கை இன்று மாலை உலக நாயகன் கமல்ஹாசன் அறிவிக்கவுள்ளார் என்பதை ஏற்கனவே தெரிவித்திருந்தோம்

அதன்படி சற்றுமுன்னர் இந்த படத்தின் ஃபர்ஸ்ட்லுக்கை கமல்ஹாசன் வெளியிட்டார். இந்த படத்திற்கு 'அக்னிச் சிறகுகள்' என்ற டைட்டில் வைக்கப்பட்டுள்ளது. இதே டைட்டிலில் முன்னாள் குடியரசு தலைவர் அப்துல்கலாம் ஒரு புத்தகத்தை எழுதியுள்ளார் என்பது குறிப்பிடத்தக்கது.

அம்மா கிரியேஷன்ஸ் சிவா தயாரிக்கும் இந்த படத்தில் விஜய் ஆண்டனி, அருண் விஜய், பிரகாஷ்ராஜ், நாசர், ஜெகபதிபாபு , ஷாலினி ரெட்டி உள்பட பலர் நடிக்கவுள்ளனர். 'மூடர் கூடம்' படத்திற்கு இசையமைத்த நடராஜன் சங்கரன் இந்த படத்திற்கும் இசையமைக்கவுள்ளார் என்பது குறிப்பிடத்தக்கது.