యువ క‌థానాయ‌కుడు వ‌రుణ్ తేజ్‌, 'అప్ప‌ట్లో ఒక‌డుండేవాడు' ఫేమ్ సాగ‌ర్ చంద్ర ద‌ర్శ‌క‌త్వంలోనూ ఓ సినిమా చేసేందుకు గ్రీన్ సిగ్న‌ల్ ఇచ్చారని కొన్ని నెల‌లు ముందు వార్త‌లు వినిపించాయి. వ‌రుణ్ తేజ్ బాక్సర్‌గా న‌టిస్తోన్న తాజా మూవీ ప్లేస్‌లో ఈ సినిమా తెర‌కెక్కాల్సి ఉంది. చాలా రోజులు పాటు ఈ సినిమా ప్రీ ప్రొడ‌క్ష‌న్ ప‌నుల‌ను కూడా జ‌రుపుకుంది. అయితే ఎందుక‌నో ఈ సినిమాను కాద‌ని వ‌రుణ్ తేజ్ కిర‌ణ్ కొర్ర‌పాటి సినిమాను లైన్‌లోకి తెచ్చారు. అయితే ఇప్పుడు వ‌రుణ్ త‌న నెక్ట్స్ ప్రాజెక్ట్‌గా సాగ‌ర్ చంద్ర సినిమా చేయ‌బోతున్నారంటూ సినీ వ‌ర్గాల్లో వార్త‌లు వినిపిస్తున్నాయి.

హీరో వ‌రుణ్ తేజ్‌తో 14 రీల్స్ ప్ల‌స్ బ్యాన‌ర్‌లో రామ్ ఆచంట‌, గోపీచంద్ ఆచంట ఈ చిత్రాన్ని నిర్మిస్తున్నార‌ని వార్త‌లు వినిపిస్తున్నాయి. ప్ర‌స్తుతం క‌రోనా వైర‌స్ కార‌ణంగా ఆగిన వ‌రుణ్ తేజ్, కిర‌ణ్ కొర్ర‌పాటి సినిమా షూటింగ్ పూర్తికాగానే ఈ సినిమా ట్రాక్ ఎక్క‌నుంద‌ట‌. నిజానికి ఇటీవ‌ల అయ్య‌ప్ప‌నుమ్ కోశియుమ్ సినిమా రీమేక్‌ను సాగ‌ర్ చంద్ర డైరెక్ట్ చేస్తార‌ని కూడా వార్త‌లు వినిపించాయి. మ‌ళ్లీ ఇప్పుడు వ‌రుణ్ సినిమా సాగ‌ర్ చంద్ర రీ స్టార్ట్ చేస్తున్న‌ట్లు టాక్ వినిపిస్తోంది.