அடுத்தடுத்து 3 பிரபல ஹீரோக்களை இயக்கும் ஹரி.. 'யானை' வெற்றியால் குவியும் வாய்ப்பு..!
- IndiaGlitz, [Friday,April 21 2023]
இயக்குனர் ஹரி இயக்கத்தில் அருண் விஜய் நடிப்பில் உருவான ‘யானை’ திரைப்படம் கடந்த ஆண்டு வெளியாகி நல்ல வெற்றி பெற்றது என்பதும் ரூபாய் 15 கோடி பட்ஜெட்டில் உருவான இந்த படம் உலகம் முழுவதும் ரூபாய் 75 கோடி வசூல் ஆனது என்பதும் குறிப்பிடத்தக்கது.
இந்த நிலையில் ‘யானை’ வெற்றியை அடுத்து அவருக்கு அடுத்தடுத்து மூன்று பிரபல நடிகர்களின் படங்களை இயக்கும் வாய்ப்பு கிடைத்துள்ளதாக கூறப்படுகிறது. இயக்குனர் ஹரி ‘யானை’ படத்தை அடுத்து விஷால் நடிக்கும் படத்தை இயக்க இருப்பதாக ஏற்கனவே தகவல் வெளியானது. இந்த படத்தின் படப்பிடிப்பு விரைவில் தொடங்க உள்ளது.
விஷால் படத்தை முடித்தவுடன் அவர் கார்த்தி நடிக்கும் படத்தை இயக்க இருப்பதாகவும் இதற்கான பேச்சுவார்த்தை நடைபெற்று வருவதாகவும் கூறப்படுகிறது. மேலும் விஷால் , கார்த்தி படங்களை முடித்தவுடன் இயக்குனர் ஹரி, சூர்யாவின் படத்தை இயக்குவார் என்றும் கூறப்படுகிறது.
ஏற்கனவே சூர்யா மற்றும் ஹரி இணைந்து ’’அருவா என்ற படத்தை உருவாக்க இருந்த நிலையில் அந்த படம் எதிர்பாராத காரணத்தினால் நின்று விட்டது. இதனை அடுத்து இருவருக்கும் மனக்கசப்பு ஏற்பட்டதாக கூறப்பட்ட நிலையில் சமீபத்தில் ஹரியின் ஸ்டுடியோ திறப்பு விழாவுக்கு சூர்யா வருகை தந்தார். இதையடுத்து இருவரும் மீண்டும் நட்பாக உள்ளனர் என தெரிகிறது.
இதனை அடுத்து சூர்யா நடிப்பில் ஹரி இயக்கத்தில் ஒரு படம் உருவாக இருப்பது உறுதி என்று திரை உலக வட்டாரங்கள் கூறுகின்றன.