விஜய் விழியகம், விஜய் பயிலரங்கம்.. அடுத்தது ஒரு மாஸ் திட்டம்.. பொதுமக்கள் ஆச்சரியம்..!
- IndiaGlitz, [Friday,September 15 2023]
தளபதி விஜய்யின் விஜய் மக்கள் இயக்கத்தின் சார்பில் விஜய் விழியகம், மற்றும் விஜய் பயிலரங்கம் ஆரம்பிக்கப்பட்ட நிலையில் அடுத்ததாக ஒரு மாஸ் திட்டம் இருப்பதாகவும் அது மக்கள் மத்தியில் மிகப்பெரிய ஆச்சரியத்தை ஏற்படுத்தியுள்ளதாகவும் தகவல் வெளியாகி உள்ளன.
தளபதி விஜய் விரைவில் அரசியல் கட்சி தொடங்கி தேர்தல் களத்தில் குதிப்பார் என்று எதிர்பார்க்கப்படுகிறது. இதனால் அவர் சமூக சேவைகள் மற்றும் மறைந்த தலைவர்களுக்கு மாலை அணிவிக்கும் செயல்களை செய்து வருகிறார்.
ஏற்கனவே விஜய் விழியகம் மூலம் ஆயிரக்கணக்கான விஜய் ரசிகர்கள் கண் தானம் செய்துள்ளனர். அதேபோல் விஜய் பயிலரங்கம் மூலம் ஏராளமான குழந்தைகளுக்கு கல்வி கற்றுக் கொடுக்கப்பட்டு வருகிறது.
இந்த நிலையில் அடுத்த கட்டமாக சமீபத்தில் விஜய் மருத்துவர் அணியின் ஆலோசனை கூட்டம் நடந்த நிலையில் மினி கிளினிக் தொடங்க இருப்பதாக கூறப்படுகிறது. தமிழகத்தின் பல பகுதிகளில் விஜய் மினி கிளினிக் தொடங்கப்பட்டு இலவச மருத்துவம் வழங்க திட்டமிட்டுள்ளதாகவும் கூறப்படுகிறது. விரைவில் இது குறித்து அதிகாரப்பூர்வ அறிவிப்பு வெளியாகும் என்று தெரிகிறது.
ஒரு அரசு செய்ய வேண்டிய பணிகளை விஜய் மக்கள் இயக்கம் செய்வதால் ஒரு மினி அரசாங்கமே விஜய் மக்கள் இயக்கத்தால் நடத்தப்பட்டு வருவதை பார்த்து பொதுமக்கள் ஆச்சரியப்பட்டு வருகின்றனர்.