விஜய், தனுஷ் படத்தை அடுத்து சஞ்சய் தத் நடிக்கும் இன்னொரு படம்!
- IndiaGlitz, [Monday,December 19 2022]
பிரபல பாலிவுட் நடிகர் சஞ்சய் தத் தென்னிந்திய திரைப்படமான ’கேஜிஎப் 2’ என்ற திரைப்படத்தில் வில்லனாக நடித்தார் என்பதும் இந்த படம் மிகப்பெரிய வெற்றி பெற்று ரூ.1000 கோடிக்கு மேல் வசூல் செய்தது என்பது தெரிந்ததே.
இதனை அடுத்து தளபதி விஜய் நடிக்கவிருக்கும் ’தளபதி 67’ திரைப்படத்தில் வில்லனாக சஞ்சய்தத் நடிக்க இருப்பதாகவும் இது குறித்த அறிவிப்பு விரைவில் வெளியாகும் என்றும் கூறப்பட்டது.
அதேபோல் தனுஷ் நடிப்பில் இயக்குனர் சேகர் கம்முலா இயக்கவிருக்கும் படத்தில் சஞ்சய் தத் நடிக்கவிருப்பதாகவும், இது குறித்த பேச்சுவார்த்தை நடைபெற்று வருவதாகவும் கூறப்பட்டது.
இந்த நிலையில் விஜய், தனுஷ் படங்களை அடுத்து பிரபாஸ் நடிக்கும் அடுத்த திரைப்படத்தில் முக்கிய வேடத்தில் சஞ்சய் தத் நடிக்கவிருப்பதாக கூறப்படுகிறது. மாருதி இயக்கத்தில் உருவாக இருக்கும் இந்த திரைப்படத்தின் படப்பிடிப்பு விரைவில் தொடங்க உள்ளது .இந்த படத்தில் சஞ்சய்தத் நடிக்க பேச்சுவார்த்தை முடிந்துவிட்டதாகவும், ஆனால் இந்த படத்தில் சஞ்சய்தத்துக்கு வில்லன் கேரக்டர் இல்லை என்றும் படத்தில் உள்ள முக்கிய கேரக்டரில் நடிக்கிறார் என்றும் கூறப்படுகிறது.
பிரபல பாலிவுட் நடிகர் சஞ்சய் தத் அடுத்தடுத்து தென்னிந்திய திரைப்படங்களில் நடிக்க ஒப்பந்தம் ஆகி வருவது பரபரப்பை ஏற்படுத்தி உள்ளது.