விஜய்யை அடுத்து சென்னை திரும்பிய அஜித்!
- IndiaGlitz, [Wednesday,December 25 2019]
தளபதி விஜய் கடந்த சில வாரங்களாக கர்நாடக மாநிலம் ஷிமோகா சிறைச்சாலையில் நடைபெற்ற ’தளபதி 64’ படத்தின் படப்பிடிப்பில் கலந்து கொண்டிருந்த நிலையில் நேற்று முன்தினம் அவர் சென்னை திரும்பினார் என்பதையும் அதன் பின்னர் அவர் தனது குடும்பத்தினருடன் கிறிஸ்துமஸ் விழாவைக் கொண்டாட லண்டன் சென்றார் என்பதை ஏற்கனவே பார்த்தோம்
இந்நிலையில் விஜய்யை அடுத்து ’வலிமை’படத்தின் முதல் கட்டப் படப்பிடிப்பை முடித்து விட்டு அஜித்தும் சென்னை திரும்பியுள்ளதாக செய்திகள் வெளிவந்துள்ளது.
அஜித் நடிப்பில் எச்.வினோத் இயக்கத்தில் உருவாகி வரும் ‘வலிமை’ படத்தின் முதல் கட்ட படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் கடந்த சில நாட்களாக நடைபெற்ற நிலையில், இந்த படத்தின் முதல் கட்டப் படப்பிடிப்பை முடித்துவிட்டு இன்று அஜித் சென்னை திரும்பி உள்ளதாக தகவல்கள் வெளிவந்துள்ளது
இதனையடுத்து அஜித்தும் தனது குடும்பத்தினருடன் கிறிஸ்துமஸ் விழாவைக் கொண்டாட உள்ளதாகவும் இதனை அடுத்து அவர் சென்னையில் நடைபெறும் அடுத்தகட்ட படப்பிடிப்பில் கலந்து கொள்ள இருப்பதாகவும் செய்திகள் வெளியாகியுள்ளன
வலிமை படத்தின் இரண்டாம் கட்ட படப்பிடிப்பிற்காக சென்னையில் உள்ள ஒரு தனியார் ஸ்டுடியோவில் பிரமாண்டமான செட் அமைக்கப்பட்டுள்ளதாகவும் இந்த செட்டில் புத்தாண்டு கழித்து அடுத்த கட்ட படப்பிடிப்பு தொடங்க இருப்பதாகவும் அதில் அஜித் உள்பட படக்குழுவினர் அனைவரும் கலந்து கொள்வார்கள் என்றும் தகவல்கள் வெளியாகி உள்ளது
’என்னை அறிந்தால்’ படத்தை அடுத்து மீண்டும் போலீஸ் வேடத்தில் நடிக்கும் அஜித்’இந்த படத்தில் வித்தியாசமான கெட்டப்பில் தோன்றவுள்ளார் என்பதும் இந்த படம் ஒரு முழுக்க முழுக்க ஆக்ஷன் படம் என்பதும் குறிப்பிடத்தக்கது