அஜித் நடித்த ’வலிமை’ திரைப்படம் பொங்கல் தினத்தில் வெளியாகும் என்று அறிவிக்கப்பட்டிருந்த நிலையில் திடீரென நேற்று அந்த படத்தின் ரிலீஸ் தேதி தள்ளி வைக்கப்படுவதாக அதிகாரப்பூர்வமாக அறிவிக்கப்பட்டது. ஏற்கனவே ’ஆர்.ஆர்.ஆர்’ மற்றும் ‘ராதே ஷ்யாம்’ ஆகிய பெரிய பட்ஜெட் படங்களும் ரிலீஸ் தேதி தள்ளி வைக்கப்பட்ட நிலையில் தற்போது சின்ன பட்ஜெட் படங்கள் ரிலீஸ் செய்ய தயாராகி வருகின்றன.

திங்கள் முதல் சனி வரை தினசரி 3 காட்சிகளுடன் மட்டும் திரையிட சின்ன பட்ஜெட் படங்கள் முன்வந்துள்ளதாகவும், பொங்கல் விடுமுறையில் திரையரங்குகளுக்கு வரும் ரசிகர்களை ஏமாற்றாமல் இருக்க இந்த புதிய படங்கள் உதவும் என்றும் கூறப்படுகிறது.

இந்த நிலையில் ’வலிமை’ பொங்கல் ரிலீஸில் இருந்து வெளியேறியதை அடுத்து சசிகுமாரின் ’கொம்பு வச்ச சிங்கம்டா’ சதீஷின் ’நாய் சேகர்’ விதார்த்தின் ’கார்பன்’ மற்றும் அஸ்வினின் ’என்ன சொல்ல போகிறாய்’ ஆகிய திரைப்படங்கள் ரிலீஸ் ஆக தயாராகி வருகின்றன என்பது குறிப்பிடத்தக்கது.

அதேபோல் விஜய் சேதுபதியின் ’கடைசி விவசாயி’ அருண் விஜய்யின் ’பார்டர்’ ஆகிய திரைப்படங்களும் வெளியாக அதிக வாய்ப்பு இருப்பதாக கூறப்படுகிறது. மேலும் விஷாலின் ’வீரமே வாகை சூடும்’ திரைப்படமும் பொங்கல் தினத்தில் ரிலீஸ் ஆனாலும் ஆச்சரியப்படுவதற்கு இல்லை என்பது குறிப்பிடத்தக்கது. இன்னும் ஓரிரு நாட்களில் பொங்கல் தினத்தில் ரிலீஸ் ஆகும் படங்களின் அதிகாரப்பூர்வ அறிவிப்புகள் வெளியாகும் என்று எதிர்பார்க்கப்படுகிறது.