திருப்பூர் மாவட்ட கலெக்டர் விஜய கார்த்திகேயன் அவர்கள் சமீபத்தில் தனது டுவிட்டர் பக்கத்தில் ’வலிமை’ குறித்து ஒரு அப்டேட்டை தந்தார். அதில் தேர்தலில் அனைவரும் வாக்களிக்க வேண்டியது அவசியம் என்றும் குறிப்பிட்டிருந்தார். இந்த பதிவுக்கு அஜித் ரசிகர்கள் உட்பட பலரும் வாழ்த்து தெரிவித்து வந்தனர் என்பதும் குறிப்பிடத்தக்கது

இதனை அடுத்து தற்போது கலெக்டர் விஜயகார்த்திகேயன், ‘டாக்டர்’ அப்டேட்டை தெரிவித்துள்ளார். சிவகார்த்திகேயன் முக கவசம் அணிந்து இருக்கும் ’டாக்டர்’ படத்தின் புகைப்படத்தை பதிவு செய்து ’சட்டமன்ற தேர்தலில் வாக்களிக்க வரும் அனைவரும் தவறாமல் முகக்கவசம் அணிந்து வாருங்கள்’ என்று குறிப்பிட்டுள்ளார்

இந்த பதிவை பார்த்த சிவகார்த்திகேயன் ’நீங்க வேற லெவல் பிரதர்’ உண்மையிலேயே இது மிகவும் பொறுப்பான ஒரு செயல். நானும் உங்களுடன் சேர்ந்து கொள்கிறேன். தயவு செய்து அனைவரும் வாக்களிக்க செல்லும்போது முகக்கவசம் அணிந்து செல்லுங்கள்’ என்று குறிப்பிட்டுள்ளார். இதற்கு பதிலளித்த கலெக்டர் விஜயகார்த்திகேயன், ‘அதான் டாக்டரே சொல்லிட்டாரே, நாம் அனைவரும் மாஸ்க் அணிந்து செல்வோம்’ என்று கூறியுள்ளார். இந்த பதிவுகள் தற்போது இணையதளத்தில் வைரலாகி வருகின்றன.

Here is the #Doctor update மக்களே ! #WearMaskAndVote #TamilNaduElections2021 #Doctorupdate pic.twitter.com/pdBvl4gZhX

— Vijayakarthikeyan K (@Vijaykarthikeyn) March 12, 2021