அஜித் நடித்த ’துணிவு’ திரைப்படம் கடந்த பொங்கல் விருந்தாக வெளியான நிலையில் அந்த படத்தை தனது மகள் அனோஷ்கா மற்றும் தங்கை ஷாமிலியுடன் ஷாலினி அஜித் பார்த்தார் என்பதும் இது குறித்த புகைப்படங்கள் வீடியோக்கள் வைரலானது என்பதையும் பார்த்தோம்.

இந்த நிலையில் ’துணிவு’ படத்தை அடுத்து நேற்று ரிலீஸ் ஆன கவினின் ‘டாடா’ படத்தை ஷாலினி அஜித் முன்னணி திரையரங்கில் பார்த்துள்ளார். அவருடன் அவருடைய தங்கை ஷாமிலி மற்றும் மகள் அனோஷ்கா ஆகியோரும் உடன் இருந்தனர் என்பது குறிப்பிடத்தக்கது.

நேற்று வெளியான கவினின் ’டாடா’ திரைப்படம் ரசிகர்கள் மத்தியில் நல்ல வரவேற்பை பெற்றுள்ளது. உதயநிதி ஸ்டாலினின் ரெட் ஜெயண்ட் மூவிஸ் நிறுவனம் வெளியிட்டுள்ள இந்த படம் சுமார் 400 திரையரங்குகளில் வெளியாகியுள்ளது என்பதும் கவினுக்கு ஜோடியாக ’பீஸ்ட்’ படத்தில் நடித்த அபர்ணா தாஸ் நடித்துள்ளார் என்பது குறிப்பிடத்தக்கது. கவின் மற்றும் அபர்ணா தாஸ் ஆகிய இருவருமே மிகச் சிறந்த நடிப்பை வெளிப்படுத்தி உள்ளனர் என்பதும் வித்தியாசமான கதைய அம்சம் கொண்ட நகைச்சுவை மற்றும் செண்டிமெண்ட் கலந்த படம் என்றும் படம் பார்த்தவர்கள் பாராட்டி வருகின்றனர்.

இந்த நிலையில் இந்த படத்தின் முதல் நாள் காட்சியை அஜித்தின் மனைவி ஷாலினி அஜித் சென்னையில் உள்ள முன்னணி திரையரங்கில் பார்த்தார். அவருடன் அவருடைய மகள் மற்றும் சகோதரியும் வந்திருந்த நிலையில் அவர்களை திரையரங்க நிர்வாகிகள் வரவேற்றனர். இது குறித்த வீடியோ இணையதளங்களில் வைரல் ஆகி வருகிறது.

.@Kavin_m_0431 நடித்த #Dada படத்தை மகளுடன் பார்க்க வந்த #Shalini - #Ajithkumar | #AK62#Ajith #ShaliniAjithKumar #Kavin #Dada pic.twitter.com/TAsap2lLYj

— SS Music (@SSMusicTweet) February 9, 2023