தெறி, கபாலியை அடுத்து தாணுவின் அடுத்த பட ரிலீஸ் தேதி
- IndiaGlitz, [Monday,October 30 2017]
சூப்பர் ஸ்டார் ரஜினியின் 'கபாலி' மற்றும் தளபதி விஜய்யின் 'தெறி' ஆகிய இரண்டு சூப்பர் ஹிட் படங்களை கடந்த ஆண்டு தயாரித்து வெளியிட்ட பிரபல தயாரிப்பாளர் கலைப்புலி எஸ்.தாணு தயாரித்த அடுத்த படமான 'இந்திரஜித்' படத்தின் ரிலீஸ் தேதி அறிவிக்கப்பட்டுள்ளது.
இந்த படம் வரும் நவம்பர் 24ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது. இந்த தகவலை உறுதி செய்யும் வகையில் ரிலீஸ் தேதியுடன் கூடிய புதிய போஸ்டர் தற்போது சமூக வலைத்தளங்களில் வெளியாகியுள்ளது.
கவுதம் கார்த்திக், சோனாரிகா, அஷ்ரிதா ஷெட்டி, சுதான்ஷூ பாண்டே, பிரதாப் போத்தன் உள்பட பல நடித்துள்ள இந்த படத்தை கலாபிரபு இயக்கியுள்ளார். கேபி இசையில் உருவாகியுள்ள இந்த படத்திற்கு விடி விஜயன் படத்தொகுப்பும், ராசாமதி ஒளிப்பதிவும் செய்துள்ளனர்.
கவுதம் கார்த்திக் நடித்த 'இவன் தந்திரன்', ஹரஹரமகாதேவகி ஆகிய இரண்டு படங்களும் ஹிட்டாகியுள்ள நிலையில் இந்த படமும் ஹிட்டானால் ஹாட்ரிக் வெற்றி கொடுத்த நடிகர்களின் பட்டியலில் அவர் இணைய வாய்ப்பு உள்ளது என்பது குறிப்பிடத்தக்கது.