சூர்யாவை அடுத்து வெப்தொடரில் நடிக்கும் பிரபல ஹீரோ: டைட்டில் அறிவிப்பு!
- IndiaGlitz, [Friday,January 29 2021]
திரையுலகில் இருக்கும் முன்னணி நடிகர்கள் தற்போது வெப்தொடர் பக்கம் திரும்பி உள்ளனர் என்பதும் அதேபோல் வெற்றிமாறன், கெளதம் மேனன், மணிரத்னம் உள்பட பல முன்னணி இயக்குனர்களும் தற்போது வெப்தொடர்களில் பணிபுரிந்து வருகின்றனர் என்பதும் தெரிந்ததே
குறிப்பாக மணிரத்னம் தயாரிப்பில் கௌதம் மேனன் இயக்கத்தில் சூர்யா நடித்து வரும் ’நவரசா’ என்ற ஆந்தாலஜி திரைப்படம் ஓடிடி பிளாட்பாரத்திற்காக உருவாகி வருகிறது என்பதும் விரைவில் இந்த ஆந்தாலஜி திரைப்படம் ரிலீஸாகும் என்பதும் குறிப்பிடதக்கது
இந்த நிலையில் சூர்யாவை அடுத்து சரத்குமாரும் தொடர் ஒன்றில் நடிக்க ஒப்பந்தமாகியுள்ளார். சரத்குமார் மற்றும் பிரபல தெலுங்கு நடிகர் ஜெகபதிபாபு இணைந்து நடிக்கும் இந்த வெப் தொடருக்கு ‘கார்ஷானா’ என்ற டைட்டில் வைக்கப்பட்டுள்ளது. இந்த தொடரில் கஸ்தூரி உள்பட பல பிரபலங்கள் நடிக்கவுள்ளனர்.
இந்த வெப்தொடரின் படப்பிடிப்பு தொடங்கி விட்டதாகவும் விரைவில் இந்த தொடர் ஹாட்ஸ்டாரில் ஒளிபரப்பாகும் என்றும் தெரிகிறது. தெலுங்கில் இந்த வெப்தொடர் தயாரானாலும் தமிழிலும் இந்தப் வெப்தொடர் டப்பிங் செய்து ஹாட்ஸ்டாரில் வெளியாகும் என்றும் கூறப்படுகிறது
சூர்யாவை அடுத்து சரத்குமாரும் வெப்தொடரில் நடிக்க இருப்பதாக வெளி வந்திருக்கும் செய்தியை அடுத்து இன்னும் யார் யாரெல்லாம் வெப்தொடருக்கு வருகிறார்கள் என்பதை பொறுத்திருந்து பார்ப்போம்