சமீபத்தில் வெளியான உலகநாயகன் கமல்ஹாசனின் ’விக்ரம்’ திரைப்படத்தில் கிளைமாக்ஸில் சூர்யா சிறப்பு தோற்றத்தில் நடித்து இருந்தார் என்பதும் அந்த பத்து நிமிட காட்சி படத்தின் மிகப்பெரிய வெற்றிக்கு ஒரு காரணமாக இருந்தது என்பதும் தெரிந்ததே.

இந்த நிலையில் சூர்யாவை அடுத்து தற்போது சூரி வரும் தீபாவளி அன்று வெளியாகும் சிவகார்த்திகேயனின் ’பிரின்ஸ்’ படத்தின் கிளைமாக்ஸில் சிறப்பு தோற்றத்தில் நடிக்க உள்ளதாக தகவல் வெளியாகியுள்ளது.

ஏற்கனவே சிவகார்த்திகேயன் மற்றும் சூரி ஆகிய இருவரும் 8 படங்களில் இணைந்து நடித்து உள்ள நிலையில் மீண்டும் இந்த படத்திலும் இணைந்து நடித்துள்ளனர். சூரி இந்த படத்தில் நடித்ததை படக்குழுவினர் ரகசியமாக இதுவரை பார்த்து வைத்து இருந்த நிலையில் தற்போது இந்த ரகசியம் வெளியாகி ரசிகர்களுக்கு பெரும் ஆச்சரியத்தை ஏற்படுத்தி உள்ளது.

வரும் தீபாவளி அன்று உலகம் முழுவதும் திரையரங்குகளில் மிகவும் பிரமாண்டமாக வெளியாக உள்ள ’பிரின்ஸ்’ திரைப்படத்தில் சிவகார்த்திகேயன், மரியா, சத்யராஜ் உள்பட பலர் நடித்துள்ளனர். இந்த படம் தமிழ் தெலுங்கு ஆகிய இரண்டு மொழிகளில் உருவாகியுள்ளது. அனுதீப் இயக்கத்தில் உருவாகியுள்ள இந்த படம் மிகப்பெரிய எதிர்பார்ப்பு ஏற்பட்டுள்ளது.