అప్పుడు రాజమౌళి.. ఇప్పుడు సుకుమార్ ..
- IndiaGlitz, [Monday,August 14 2017]
'బాహుబ‌లి'కి ముందు రాజమౌళి కెరీర్‌లో పెద్ద హిట్ అంటే అది 'మ‌గ‌ధీర' సినిమానే. మెగాప‌వ‌ర్‌స్టార్ రామ్‌చ‌ర‌ణ్ కి ఈ సినిమాతోనే స్టార్‌డ‌మ్ వ‌చ్చింది. ఇప్ప‌టికీ చ‌ర‌ణ్ కెరీర్‌లో ఇదే పెద్ద హిట్. ఆ త‌రువాత వ‌చ్చిన సినిమాల్లో హిట్స్ అయితే ఉన్నాయి కానీ చ‌ర‌ణ్ కోరుకున్న స్థాయి విజ‌యాలైతే కాదు.
ఇదిలా ఉంటే.. ప్ర‌స్తుతం రామ్‌చ‌ర‌ణ్ త‌న కొత్త చిత్రం 'రంగ‌స్థ‌లం'తో బిజీగా ఉన్న సంగ‌తి తెలిసిందే. ఈ సినిమాకి సుకుమార్ ద‌ర్శ‌క‌త్వం వ‌హిస్తున్నాడు. డైరెక్ట‌ర్‌గా సుకుమార్‌కి ఇది 7వ చిత్రం.
ప్ర‌స్తావించ‌ద‌గ్గ విష‌య‌మేమిటంటే.. 'మ‌గ‌ధీర' చిత్రం కూడా రాజమౌళి కెరీర్‌లో 7వ చిత్ర‌మే. ఇలా చ‌ర‌ణ్‌తో ప‌నిచేసిన ద‌ర్శ‌కుల‌లో 7వ చిత్రం చేసింది ఇప్ప‌టివ‌ర‌కైతే ఈ ఇద్ద‌రే. మ‌రి రాజమౌళి 7వ చిత్రం ఏవిధంగానైతే చ‌ర‌ణ్‌కి ఓ బ్లాక్‌బ‌స్ట‌ర్ హిట్‌ని ఇచ్చిందో.. సుకుమార్ 7వ చిత్రం 'రంగ‌స్థ‌లం' కూడా స‌ద‌రు మెగాహీరోకి బ్లాక్‌బ‌స్ట‌ర్ ఇస్తుందేమో చూడాలి.