சூர்யா நடிப்பில் ஹரி இயக்கத்தில் உருவான ’சிங்கம்’ திரைப்படம் கடந்த 2010ஆம் ஆண்டு வெளியாகி மிகப்பெரிய வெற்றி பெற்ற நிலையில் இந்த படத்தின் இரண்டாம் பாகம் 2013ம் ஆண்டு, மூன்றாம் பாகம் 2017 ஆம் ஆண்டு வெளியானது. இந்த நிலையில் ’சிங்கம்’ படத்திற்கு பிறகு மீண்டும் சூர்யாவின் படம் இரண்டாம் பாகம் உருவாக இருப்பதாக தகவல் வெளியாகியுள்ளன.

சூர்யா நடிப்பில் சிறுத்தை சிவா இயக்கத்தில் தற்போது உருவாகி வரும் திரைப்படம் ’கங்குவா’. தமிழ் உள்பட 10 மொழிகளில் உருவாகி வரும் இந்த படத்தில் சூர்யா 10க்கும் மேற்பட்ட கெட்டப்களில் நடித்து வருகிறார் என்பதும் சரித்திர கதையம்சம் கொண்ட காட்சிகள் இந்த படத்தின் பிளாஷ்பேக்கில் வருவதாகவும் கூறப்படுகிறது.

இந்த நிலையில் இந்த படத்தின் கிளைமாக்ஸில் அடுத்த பாகத்திற்கான லீட் இருக்கும் என்றும் ’கங்குவா’ படத்தின் இரண்டாம் பாகம் மிக விரைவில் உருவாகும் என்றும் பட குழுவினர்களில் ஒருவர் தெரிவித்துள்ளார். இந்த தகவல் சூர்யா ரசிகர்களுக்கு மிகவும் மகிழ்ச்சியை ஏற்படுத்தி உள்ளது என்பது குறிப்பிடத்தக்கது.

’கங்குவா’ திரைப்படம் மிகப்பெரிய எதிர்பார்ப்பை ஏற்படுத்தியுள்ளது என்பதும் சூர்யா படங்களில் இந்த படம் தான் மிகப்பெரிய பட்ஜெட்டில் உருவாக்கப்பட்டு வருகிறது என்பது குறிப்பிடத்தக்கது. இந்த நிலையில் இந்த படம் நிச்சயம் வெற்றி பெறும் என்று எதிர்பார்க்கப்படும் நிலையில் அடுத்த பாகமும் உருவாகும் என்ற தகவல் ரசிகர்களுக்கு உற்சாகத்தை அளித்து உள்ளது என்பது குறிப்பிடத்தக்கது.

சூர்யா ஜோடியாக திஷா பதானி நடித்து வரும், வெற்றி பழனிச்சாமி ஒளிப்பதிவில் நிஷாத் யூசுப் படத்தொகுப்பில் மதன் கார்க்கி வசனத்தில் உருவாகி வருகிறது. தேவிஸ்ரீ பிரசாத் இசையில் உருவாகி வரும் இந்த படத்தை ஸ்டுடியோ க்ரீன் நிறுவனம் மிகப்பெரிய பட்ஜெட்டில் தயாரித்து வருகிறது.