தமிழ் சினிமாவில் கடந்த 90களில் தவிர்க்க முடியாத நடிகையாக இருந்தவர் சில்க் ஸ்மிதா. அந்த காலகட்டத்தில் இவர் நடிக்காத அல்லது ஒரு பாடலுக்கு நடனம் ஆடாத படங்கள் மிக குறைவு. ஆனால் இவரது சொந்த வாழ்க்கையின் முடிவுதான் பரிதாபமானது.

இந்த நிலையில் சில்க்ஸ்மிதாவின் வாழ்க்கை வரலாற்று படமாக 'தி டர்ட்டி பிக்சர்ஸ்' திரைப்படம் பாலிவுட்டில் மிகப்பெரிய  வெற்றியை பெற்றது. அதன் பின்னர் தமிழ் உள்பட பல மொழிகளில் இவரது வாழ்க்கை வரலாறு படம் வெளிவந்தது

இந்த நிலையில் சில்க் ஸ்மிதாவை அடுத்து தென்னிந்திய திரையுலகில் கொடிகட்டி பறந்த கவர்ச்சி நடிகை ஷகிலாவின் வாழ்க்கை வரலாற்று திரைப்படமும் தற்போது படமாக்கப்படவுள்ளது. ஷகிலாவின் கேரக்டரில் ரிச்சா சாதா என்ற நடிகை நடிக்கவுள்ளதாகவும், இந்த படத்தை இந்திரஜித் லங்கேஷ் என்பவர் இயக்கவுள்ளதாகவும், இந்த படம் வரும் 2019ஆம் ஆண்டு ரிலீஸ் ஆகும் என்றும் கூறப்படுகிறது

16 வயதில் திரையுலகில் அறிமுகமான ஷகிலா, அதன் பின்னர் அவருடைய திரையுலக மற்றும் சொந்த வாழ்க்கையில் நடந்த பல அனுபவங்கள் இந்த படத்தில் இடம்பெறவுள்ளதால் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது.