சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படத்தில் பிரபல கன்னட நடிகர் சிவராஜ்குமார் நடித்திருந்த நிலையில் ரஜினியின் அடுத்த படமான ’கூலி’ திரைப்படத்திலும் பிரபல கன்னட நடிகர் ஒருவர் இணைந்துள்ளதாக செய்தி வெளிவந்துள்ளதால் இந்த படத்திற்கு எதிர்பார்ப்பு அதிகரித்துள்ளது.

சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில் உருவாகும் ’கூலி’ திரைப்படத்தின் படப்பிடிப்பு கடந்த சில வாரங்களாக விறுவிறுப்பாக நடைபெற்று வருகிறது. இந்த படத்தில் சத்யராஜ், ஸ்ருதிஹாசன் உள்பட சிலர் இணைந்தனர் என்ற தகவல் ஏற்கனவே வெளியான நிலையில் தற்போது வந்துள்ள தகவல் படி இந்த படத்தில் பிரபல கன்னட நடிகர் உபேந்திரா இணைந்துள்ளதாக தெரிகிறது. இந்த தகவல் அனைவருக்கும் ஆச்சரியத்தை ஏற்படுத்தியுள்ளது.

பிரபல கன்னட நடிகர் உபேந்திரா தமிழில் ’சத்யம்’ என்ற தமிழ் திரைப்படத்தில் நடித்துள்ள நிலையில் அடுத்ததாக அவர் சூப்பர் ஸ்டார் ரஜினியுடன் ’கூலி’ படத்தில் நடிக்கிறார் என்பது குறிப்பிடத்தக்கது. இந்த கேரக்டரில் முதலில் நாகார்ஜுனா நடிக்க இருந்ததாகவும் அவர் நடிக்க மறுத்ததை அடுத்து உபேந்திரா நடிக்க இருப்பதாகவும் கூறப்படுகிறது. இந்த நிலையில் மேலும் சில வெளிமாநில நடிகர்கள் இந்த படத்தில் இணைவார்கள் என்றும் கூறப்பட்டு வருகிறது.