ஷிவானியை அடுத்து மேலும் 2 சீரியல் நடிகைகள்: 'விக்ரம்' விஜய்சேதுபதிக்கு 3 ஜோடியா?
- IndiaGlitz, [Tuesday,August 31 2021]
உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கி வரும் ‘விக்ரம்’ படத்தின் படப்பிடிப்பு தற்போது காரைக்குடி அருகே விறுவிறுப்பாக நடைபெற்று வருவதாக தகவல்கள் வெளிவந்துள்ளன
இந்த நிலையில் இந்த படத்தில் விஜய் சேதுபதிக்கு ஜோடியாக பிக்பாஸ் பிரபலம் ஷிவானி நாராயணன் நடிக்க இருப்பதாக சமீபத்தில் செய்தி வெளியானது. இதனை அடுத்து தற்போது வெளிவந்துள்ள தகவலின்படி மேலும் 2 சீரியல் நடிகைகள் இந்த படத்தில் இணைந்து உள்ளதாகவும் விஜய்சேதுபதிக்கு மூன்று ஜோடிகள் என்றும் கூறப்பட்டு வருவதால் பரபரப்பு ஏற்பட்டுள்ளது. விஜய் டிவியில் பிரபலமாக இருக்கும் மைனா மற்றும் மகேஸ்வரி ஆகிய இருவரையும் தான் ‘விக்ரம்’ படத்திற்காக லோகேஷ் கனகராஜ் ஒப்பந்தம் செய்திருப்பதாக கூறப்படுவதால் ஷிவானி தரப்பு அதிர்ச்சியில் உள்ளதாக தெரிகிறது.
‘விக்ரம்’ படத்தில் கொடூர வில்லனாக நடிக்கும் விஜய்சேதுபதிக்கு ஷிவானி, மைனா மற்றும் மகேஸ்வரி ஆகிய 3 பேரும் ஜோடி என்று கூறப்படுவது ரசிகர்கள் மத்தியில் குழப்பத்தை ஏற்படுத்தியுள்ளது. மைனா மற்றும் மகேஸ்வரி ஏற்கனவே ஒரு சில திரைப்படங்களில் நடித்துள்ளார்கள் என்பதும் விஜய் டிவி சீரியல்கள் மற்றும் ரியாலிட்டி நிகழ்ச்சிகளிலும் நடித்து வருகிறார்கள் என்பது தெரிந்ததே.