అప్పుడు శంకర్.. ఇప్పుడు పా.రంజిత్
- IndiaGlitz, [Wednesday,June 06 2018]
ఎంత ఎదిగినా ఒదిగి ఉండమంటారు పెద్దలు. ఈ లక్షణాన్ని అలాగే పుణికి పుచ్చుకున్న నటుడు రజనీ కాంత్. అందుకే ప్రపంచ వ్యాప్తంగా అభిమానులను సంపాదించుకున్న ఈ సూపర్ స్టార్‌ను.. కనీసం ఒక్కసారైనా డైరెక్ట్ చేయాలని అనుకుంటూ ఉంటారు దర్శకులు. అటువంటిది వరుసగా రెండుసార్లు రజనీని డైరెక్ట్ చేసే అవకాశం వస్తే.. అటువంటి గోల్డెన్ ఛాన్స్ ఇటీవ‌ల కాలంలో ఇద్దరు దర్శకులకు మాత్రమే దక్కింది. ఆ వివరాల్లోకి వెళితే.. రెండుసార్లు వరుసగా రజనీ కాంత్ సినిమాలను డైరెక్ట్ చేసిన దర్శకుడు శంకర్. 2007లో విడుద‌లైన ‘శివాజీ’ సినిమా కోసం తొలిసారి రజనీకాంత్‌ను డైరెక్ట్ చేసారు శంకర్.
అనంత‌రం రజనీతో త‌న తదుపరి చిత్రం ‘రోబో’ను తెర‌కెక్కించారు శంకర్. కాగా.. ఇప్పుడు శంకర్ సరసన మరో దర్శకుడు చేరారు. ఆయ‌నే.. పా.రంజిత్. ‘కబాలి’ సినిమాతో తొలిసారి రజనీని దర్శకత్వం చేసే అవకాశాన్ని దక్కించుకున్నారు పా.రంజిత్. అంతేగాకుండా, ‘కబాలి’ తర్వాత వెనువెంట‌నే రజనీ కాంత్ కాంబినేష‌న్‌లోనే ‘కాలా’ చేశారు. మరి రజనీ, శంకర్ కలయికలో వచ్చిన సెకెండ్ ఫిల్మ్‌ ‘రోబో’ లాగే.. రజనీ, పా.రంజిత్ కాంబినేషన్‌లో వస్తున్న ‘కాలా’ కూడా సంచలనాన్ని సృష్టిస్తుందేమో చూడాలి. జూన్ 7న ఈ సినిమా ప్రేక్ష‌కుల ముందుకు రానుంది.