'தளபதி 66' ஹீரோயின்: ராஷ்மிகா, கீர்த்தி சுரேஷ், தமன்னாவை அடுத்து இவரா?
- IndiaGlitz, [Monday,March 28 2022]
தளபதி விஜய் நடித்த ’பீஸ்ட்’ திரைப்படம் ஏப்ரல் 13-ஆம் தேதி வெளியாக இருக்கும் நிலையில் அவரது அடுத்த படமான ’தளபதி 66’ திரைப்படத்தின் படப்பிடிப்பு விரைவில் தொடங்க உள்ளது. இந்த படத்தை வம்சி இயக்க இருப்பதாகவும் தில் ராஜூ தயாரிக்க இருப்பதாகவும் தமன் இசையமைக்க இருப்பதாகவும் அறிவிக்கப்பட்டுள்ள நிலையில் இந்த படத்தின் நாயகி யார் என்ற கேள்வி தான் தற்போது மிகப்பெரிய அளவில் எழுந்துள்ளது.
’தளபதி 66’ படத்தின் நாயகி ராஷ்மிகா மந்தனா தான் என கிட்டத்தட்ட உறுதி செய்யப்பட்ட தகவல் வெளியான நிலையில் திடீரென தமன்னா மற்றும் கீர்த்தி சுரேஷ் ஆகியோர்களின் பெயர்களும் பரிசீலனை செய்யப்பட்டதாக கூறப்படுகிறது.
இந்த நிலையில் தற்போது வந்த தகவலின் படி பிரபல தெலுங்கு மற்றும் பாலிவுட் நடிகை கீர்த்தி சனோன் தான் ’தளபதி 66’ நாயகி என்றும் இது குறித்த அறிவிப்பு விரைவில் வெளியாகும் என்றும் கூறப்படுகிறது .
நடிகை நடிகை கீர்த்தி சனோன் ‘தளபதி 66’ திரைப்படத்தில் நடிப்பது உறுதி செய்யப்பட்டால் அதுதான் அவரது முதல் தமிழ் படம் என்பது குறிப்பிடத்தக்கது.