தற்போதைய நவீன டெக்னாலஜியில் ஒருவரை போலவே இன்னொருவரை ஆபாச வீடியோவாக மாற்றி டிரெண்டாக்கும் வழக்கம் அதிகரித்து வருகிறது, குறிப்பாக டீப்பேக் என்ற செயலி மூலம் ராஷ்மிகா மற்றும் சமந்தாவின் வீடியோ ஏஐ மூலம் உருவாக்கப்பட்ட போலி ஆபாச வீடியோக்கள் இணையத்தில் பெரும் அதிர்ச்சியை ஏற்படுத்திய நிலையில் தற்போது அதேபோல் இன்னொரு தமிழ் நடிகையின் பாதிக்கப்பட்டிருப்பது தெரிய வந்துள்ளது.

’வரலாறு முக்கியம்’, ’நதிகளில் சுந்தரி யமுனா’ உள்ளிட்ட தமிழ் படங்களிலும் சில தெலுங்கு படங்களிலும் நடித்தவர் நடிகை பிரக்யா நாக்ரா. இவர் தனது சமூக வலைதள பக்கத்தில் ஏஐ டெக்னாலஜி மூலம் போலியாக உருவாக்கப்பட்ட தன்னுடைய வீடியோ குறித்து விளக்கம் அளித்துள்ளார். ’இது ஒரு கெட்ட கனவாக இருக்க கூடாதா என நினைக்கிறேன். அந்த வீடியோவில் இருப்பது நான் இல்லை. ஏஐ டெக்னாலஜி மூலம் அந்த வீடியோ உருவாக்கப்பட்டுள்ளது.

ஏஐ டெக்னாலஜி என்பது பெண்களின் வாழ்க்கையை இப்படி சீரழிக்கும் வகையில் இருக்கக் கூடாது. வக்கிரம் படுத்த சிலர் இந்த வீடியோக்களை தயார் செய்து வெளியிட்டும், அதை சில கயவர்கள் ட்ரெண்ட் செய்யும் புத்தி கொண்ட நபர்களால் நாங்கள் தான் கஷ்டப்படுகிறோம். என்னைப்போல வேறு எந்த பெண்ணும் இதுபோன்ற ஏஐ மூலம் ஆபாச வீடியோக்களால் பாதிக்கப்படாத வகையில் சைபர் கிரைம் போலீசார் நடவடிக்கை எடுக்க வேண்டும் என்று கேட்டுக்கொள்கிறேன்.

இந்த இக்கட்டான நிலையிலும் என்னை நம்பி, அது நான் இல்லை என்று எனக்கு ஆறுதல் கூறிய ரசிகர்களுக்கு நன்றி’ என்று பதிவு செய்துள்ளார். அவருடைய இந்த பதிவு தற்போது இணையத்தில் வைரல் ஆகி வருகிறது.

Still in denial, and still hoping that it’s just a bad dream that I will wake up from. Technology was meant to help us and not make our lives miserable.
Can just pity the evil minds who misuse it to create such AI content and the people who help spread it!

Trying to stay strong…

— Pragya Nagra (@PragyaNagra) December 7, 2024