ரஜினி, விஜய்யை அடுத்து கார்த்தி படத்திற்கு ஒரு தரமான சம்பவம்.. ரசிகர்கள் குஷி..!
- IndiaGlitz, [Wednesday,October 11 2023]
ரஜினி, விஜய் போன்ற பெரிய ஸ்டார்களின் படங்களுக்கு மட்டுமே சென்னை நேரு ஸ்டேடியத்தில் இசை வெளியீட்டு விழா நடைபெறும் நிலையில் தற்போது கார்த்தி படத்திற்கு அதே நேரு ஸ்டேடியத்தில் இசை வெளியீட்டு விழா நடைபெற இருப்பதாக தகவல் வெளியாகியுள்ளன.
ரஜினி, விஜயின் பல படங்கள் மற்றும் மணிரத்னத்தின் ’பொன்னியின் செல்வன்’ போன்ற பெரிய பட்ஜெட் படங்களின் இசை வெளியீட்டு விழா மட்டுமே சென்னை நேரு ஸ்டேடியத்தில் நடைபெற்று வருகிறது என்பதை பார்த்து வருகிறோம்.
இந்த நிலையில் கார்த்தி நடித்த ’ஜப்பான்’ திரைப்படத்தின் இசை வெளியீட்டு விழா சென்னை நேரு ஸ்டேடியத்தில் நடைபெற இருப்பதாக கூறப்படுகிறது. அக்டோபர் 28ஆம் தேதி இந்த இசை வெளியீட்டு விழா நடைபெற இருப்பதாகவும் கார்த்தி படத்திற்காக சென்னை நேரு ஸ்டேடியத்தில் நடைபெறும் முதல் இசை வெளியீட்டு விழா இதுதான் என்று கூறப்படுகிறது.
மேலும் இந்த இசை வெளியீட்டு விழாவிற்கு சூர்யாவும் வருவதற்கு வாய்ப்பு இருப்பதாகவும், இந்த இசை வெளியீட்டு விழாவில் சூர்யா, கார்த்தி ரசிகர்கள் பெரும் அளவில் வருவார்கள் என்று எதிர்பார்க்கப்படுகிறது.
கார்த்தியின் 25வது படமான ‘ஜப்பான்’ படத்தில் அனு இமானுவேல், சுனில் உள்ளிட்ட பலர் நடித்துள்ளனர். இந்த திரைப்படத்தை ட்ரீம் வாரியர் பிக்சர்ஸ் நிறுவனம் தயாரித்துள்ளது. தமிழ், தெலுங்கு, மலையாளம், கன்னடம் என நான்கு மொழிகளில் வரும் தீபாவளி தினத்தில் வெளியாக உள்ள இந்த படத்திற்கு ஜிவி பிரகாஷ் இசையமைத்துள்ளார்.