ரஜினியை அடுத்து மும்பை செல்கிறார் கமல்ஹாசன்
- IndiaGlitz, [Monday,February 26 2018]
மறைந்த நடிகை ஸ்ரீதேவிக்கு இறுதியஞ்சலி செலுத்த நேற்று சூப்பர் ஸ்டார் ரஜினிகாந்த் மும்பை சென்றார் என்று வெளிவந்த செய்தியினை ஏற்கனவே பார்த்தோம். ரஜினியை தொடர்ந்து பல கோலிவுட் நட்சத்திரங்கள் மறைந்த மாபெரும் மேதை நடிகையின் முகத்தை கடைசியாக பார்க்க மும்பை சென்று கொண்டிருக்கின்றனர்.
நடிகர் சங்க தலைவர் நாசர், அஜித் மனைவி ஷாலினி, நடிகை ஹன்சிகா உள்பட பலர் மும்பை சென்றுள்ள நிலையில் சற்றுமுன் நடிகர் கமல்ஹாசன் அவர்களும் மும்பை செல்ல புறப்பட்டுள்ளார்.
மும்பை செல்லும் முன் விமான நிலையத்தில் பேட்டியளித்த கமல், ஸ்ரீதேவியின் உடலுக்கு அஞ்சலி செலுத்த செல்வதாக கூறினார். இறுதி ஊர்வலத்தில் கலந்து கொள்வதில்லை என அரசியல் கட்சி தொடங்கும் நாளில் கூறிய கமல், ஸ்ரீதேவியை பார்க்க செல்வது குறித்து செய்தியாளர்கள் கமலிடம் கேட்டபோது, 'இறுதி ஊர்வலத்தில் தான் கலந்து கொள்ள மாட்டேன் என்று கூறியதாகவும், தற்போது அஞ்சலி செலுத்த மட்டுமே செல்வதாகவும் கூறிய கமல், ஆர்.சி. சக்தி, போன்றவர்கள் எனது குடும்பத்தில் ஒருவரை போன்றவர்கள் என்றும், அதனால் ஒருசிலருடைய இறுதி ஊர்வலத்தில் மட்டும் கலந்து கொண்டதாகவும் கமல் தெரிவித்தார்.