தளபதி விஜய் நடித்து வரும் ’தளபதி 65’ படத்தின் நாயகி பூஜா ஹெக்டேவுக்கு கொரோனா தொற்று ஏற்பட்டு இருப்பதாகவும் இதனை அடுத்து அவர் வீட்டில் தனிமைப்படுத்தி கொண்டு சிகிச்சை பெற்று வருவதாகவும் வெளிவந்த செய்தியை ஏற்கனவே பார்த்தோம். இது குறித்து பூஜா ஹெக்டேவும் தனது ட்விட்டர் பக்கத்தில் குறிப்பிட்டு உள்ளார் என்பது குறிப்பிடத்தக்கது.

இந்த நிலையில் தளபதி விஜய் நடித்த இன்னொரு படத்தின் நடிகைக்கும் கொரோனா தொற்றின் அறிகுறி இருப்பதை அடுத்து அவரும் தனிமைப்படுத்தி கொண்டார். தளபதி விஜய் நடித்த ’புலி’ படத்தில் நடித்த நாயகிகளில் ஒருவர் நந்திதா ஸ்வேதா. இவர் தனக்கு கொரோனா அறிகுறி இருப்பதால் வீட்டில் தனக்குத் தானே தனிமைப்படுத்திக் கொண்டதாக சமூகவலைதளத்தில் அறிவித்துள்ளார். மேலும் அனைவரும் பாதுகாப்பாக இருக்கும்படியும் அவர் கேட்டுக்கொண்டுள்ளார். இதனை அடுத்து பெரும் பரபரப்பு ஏற்பட்டுள்ளது

நடிகை நந்திதா தற்போது ’ஐபிசி 376’ என்ற திரைப்படத்தில் நடித்து வருகிறார் என்பதும் இந்த படத்தை ரவிக்குமார் சுப்பிரமணியன் என்பவர் இயக்கி வருகிறார் என்பதும் குறிப்பிடத்தக்கது. இந்த படம் விரைவில் ரிலீசாக உள்ளது என்பது தெரிந்ததே.