கடந்த 2016 ஆம் ஆண்டு தனுஷ் மற்றும் கீர்த்தி சுரேஷ் நடிப்பில் உருவான "தொடரி" என்ற திரைப்படம் உருவான நிலையில், அடுத்த ஆண்டு மீண்டும் தனுஷ் மற்றும் கீர்த்தி சுரேஷ் ஒரு திரைப்படத்தில் இணைந்திருப்பதாக தகவல் வெளியாகி உள்ளது.

தனுஷ் இயக்கத்தில் உருவான "ராயன்" என்ற திரைப்படம் சமீபத்தில் வெளியான நிலையில், அவர் தற்போது "நிலவுக்கு என் மேல் என்னடி கோபம்" என்ற படத்தை இயக்கி முடித்துள்ளார். விரைவில் இந்த படம் ரிலீசாகும் என்றும் கூறப்படுகிறது.

இந்த நிலையில், தற்போது "இட்லி கடை" என்ற படத்தை தனுஷ் இயக்கி வருகிறார். இந்த படத்தில் நித்யா மேனன் நாயகியாக நடிக்கிறார் என்பதும், இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் தெரிந்துள்ளது.

இந்த நிலையில் "இட்லி கடை" படத்தை முடித்துவிட்டு, அடுத்ததாக தனுஷ் இன்னொரு படத்தை இயக்க இருப்பதாகவும், அந்த படத்தில் நாயகியாக கீர்த்தி சுரேஷ் நடிக்க இருப்பதாகவும் கூறப்படுகிறது. "தொடரி" படத்திற்குப் பிறகு, 9 ஆண்டுகளுக்குப் பிறகு, தனுஷ் மற்றும் கீர்த்தி சுரேஷ் இடையே உள்ள இணைப்பை வைத்து, இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.

ஏற்கனவே, தனுஷ் "குபேரா" மற்றும் "இளையராஜாவின் வாழ்க்கை வரலாறு" ஆகிய திரைப்படங்களில் நடித்து வருகிறார் என்பது தெரிந்ததே.