தமிழ், தெலுங்கு, இந்தி மொழிகளிலும் கலக்கும் சூர்யா-கார்த்தி பட நடிகை!
- IndiaGlitz, [Tuesday,May 28 2019]
ஏ.ஆர்.முருகதாஸ் இயக்கிய 'ஸ்பைடர்' படம் மூலம் தமிழில் அறிமுகமான நடிகை ரகுல் ப்ரித்திசிங் அதன்பின்னர் கார்த்தியுடன் 'தீரன் அதிகாரம் ஒன்று' மற்றும் 'தேவ்' படங்களில் நடித்தார். அதேபோல் சூர்யாவின் 'என்.ஜி.கே' படத்திலும் முக்கிய வேடத்தில் நடித்து முடித்துள்ளார். இந்த படம் வரும் 31ஆம் தேதி ரிலீஸ் ஆகவுள்ளது
இந்த நிலையில் அவர் தற்போது தமிழில் சிவகார்த்திகேயன் நடிப்பில் ரவிகுமார் இயக்கத்தில் உருவாகி வரும் எஸ்கே 14' படத்திலும் தெலுங்கில் நாகார்ஜூனனுடன் 'மன்மதடு 2' படத்திலும் இந்தியில் ரித்தேஷ் தேஷ்முக் உடன் 'மர்ஜவான்' என்ற படத்திலும் நடித்து வருகிறார்.
தமிழ், தெலுங்கு என தென்னிந்திய அளவில் முன்னணி நடிகைகளில் ஒருவராக இருந்து வரும் ரகுல், 'மர்ஜவான்' படம் வெற்றி பெற்றால் பாலிவுட்டிலும் அதிக வாய்ப்பை பெறுவார் என எதிர்பார்க்கப்படுகிறது. 'மர்ஜவான்' திரைப்படம் வரும் அக்டோபர் 2ஆம் தேதி ரிலீஸ் ஆகவுள்ளது