மணிரத்னம் - கமல் படத்தில் நயன்தாராவை அடுத்து இந்த பிரபல நடிகையுமா? எகிறும் எதிர்பார்ப்பு..!
- IndiaGlitz, [Friday,April 21 2023]
உலகநாயகன் கமல்ஹாசன் நடிப்பில் மணிரத்னம் இயக்கத்தில் ரெட் ஜெயண்ட் மூவிஸ் நிறுவனத்தின் தயாரிப்பில் உருவாகயிருக்கும் திரைப்படத்தின் அறிவிப்பு கடந்த சில மாதங்களுக்கு முன்னர் வெளியானது என்பதும் ’பொன்னின் செல்வன் 2’ திரைப்படத்தின் ரிலீசுக்கு பின்னர் இந்த படத்தின் படப்பிடிப்பு தொடங்கும் என்று கூறப்படுகிறது.
இந்த நிலையில் ’நாயகன்’ படத்திற்கு பின் கமல்ஹாசன், மணிரத்னம் மீண்டும் இணையும் இந்த படத்தில் நடிகை நயன்தாரா நடிக்க இருப்பதாகவும் இது குறித்த பேச்சுவார்த்தை கிட்டத்தட்ட முடிந்து விட்டதாகவும் விரைவில் இது குறித்து அதிகாரப்பூர்வ அறிவிப்பு வெளியாகும் என்றும் கூறப்பட்டது.
இந்த நிலையில் தற்போது வெளியான தகவலின்படி இந்த படத்தில் இன்னொரு பிரபல ஹீரோயின் நடிக்க இருப்பதாக தெரிகிறது. இந்த படத்தில் நடிகை ஆண்ட்ரியா முக்கிய வேடத்தில் நடிக்க பேச்சுவார்த்தை நடைபெற்று வருவதாகவும் ஆண்ட்ரியாவும் அதற்கு ஒப்புக் கொண்டதாகவும் கூறப்படுகிறது.
ஏற்கனவே கமல்ஹாசன் நடித்த ’விஸ்வரூபம்’ ’விஸ்வரூபம் 2’ ஆகிய திரைப்படங்களில் ஆண்ட்ரியா நடித்துள்ளார் என்பதும் இரண்டு படங்களும் மிகப்பெரிய வெற்றி பெற்றது என்பது தெரிந்ததே.
இந்த நிலையில் கமல்ஹாசன், மணிரத்னம் திரைப்படத்தில் நயன்தாரா மற்றும் ஆண்ட்ரியா ஆகிய இரண்டு பிரபல நடிகைகள் நடிக்க இருப்பதாக வெளியாகி உள்ள செய்தியை எடுத்து இந்த படத்திற்கான எதிர்பார்ப்பு மிகப்பெரிய அளவில் எகிறியுள்ளது.