நயன்தாரா, சினேகா, ப்ரியா அட்லி வரிசையில் சின்னத்திரை நடிகை தொடங்கிய பிசினஸ்..!
- IndiaGlitz, [Saturday,August 31 2024]
நடிகை நயன்தாரா, சினேகா, பிரியா அட்லி வரிசையில் சின்னத்திரையில் பிரபலமான நடிகை ஒருவரும் சேலை பிசினஸ் தொடங்கி உள்ளதாக தனது சமூக வலைதளத்தில் அறிவித்துள்ளார்.
நடிகர் நடிகைகள் ஒரு பக்கம் நடித்துக் கொண்டிருந்தாலும் இன்னொரு பக்கம் பிசினஸ் தொடங்கி அதிலும் சம்பாதித்து வருகிறார்கள் என்பதும் குறிப்பாக நடிகை நயன்தாரா பெண்களுக்கான அழகு சாதன பொருட்களை தயாரித்து விற்பனை செய்து வருகிறார் என்பது தெரிந்தது.
அதேபோல் நடிகை சினேகா சென்னையில் புடவை பிசினஸ் செய்து வரும் நிலையில் ப்ரியா அட்லியும் புதிதாக ஆடை நிறுவனம் ஒன்றை தொடங்கியுள்ளார். அந்த வகையில் தற்போது சின்னத்திரை நடிகை மைனா நந்தனியும் புடவை பிசினஸ் தொடங்கியுள்ளதாக அவர் அறிவித்துள்ளார். பொன்னூஞ்சல் புடவைகள் என்ற பெயரில் அவர் புடவைகளை விற்பனை செய்து வருவதை அடுத்து அவருக்கு வாழ்த்துக்கள் குவிந்து வருகிறது.