சூப்பர் ஸ்டார் ரஜினிகாந்த் நடித்து வரும் 'கூலி’ திரைப்படத்தில் சில முக்கிய நட்சத்திரங்கள் இணைந்து வருகிறார்கள் என்பதை பார்த்து வருகிறோம். அந்த அளவில் உலகம் முழுவதும் ஏராளமான ரசிகர்களை வைத்துள்ள பாலிவுட் பிரபலம் இந்த படத்தில் இணைய இருப்பதாக கூறப்படுவதை அடுத்து இந்த செய்தி மட்டும் உண்மையானால் ஆயிரம் கோடி ரூபாய் வசூல் உறுதி என்று கூறப்பட்டு வருகிறது.

சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில் உருவாகி வரும் ’கூலி ’படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் ஏற்கனவே சத்யராஜ், நாகார்ஜுனா, ஸ்ருதிஹாசன் உட்பட சில பிரபலங்கள் இணைந்துள்ளனர் என்பதை பார்த்தோம்.

இந்த நிலையில் தற்போது வந்துள்ள தகவல் படி இந்த படத்தில் பாலிவுட் பிரபலம் அமீர்கான் இணைய இருப்பதாகவும் இது குறித்த பேச்சுவார்த்தை முடிந்து விட்டதாகவும் விரைவில் அதிகாரப்பூர்வ அறிவிப்பு வெளியாகும் என்றும் கூறப்படுகிறது.

அமீர்கான் திரைப்படம் உலகம் முழுவதும் மிகப்பெரிய வசூலை வாரி குவித்து உள்ள நிலையில் ரஜினியுடன் இணையும் படம் என்பதால் இந்த படம் சாதனை செய்யும் அளவுக்கு வசூல் இருக்கும் என்றும் குறிப்பாக ஆயிரம் கோடி ரூபாய் வசூலை இந்த படம் எளிதில் நெருங்கி விடும் என்றும் கூறப்பட்டு வருகிறது.

சன் பிக்சர்ஸ் நிறுவனத்தின் பிரமாண்டமான தயாரிப்பில், அனிருத் இசையில் உருவாகி வரும் இந்த படத்தின் படப்பிடிப்பு இந்த ஆண்டு இறுதிக்குள் முடிந்து விடும் என்று எதிர்பார்க்கப்படுகிறது.