నయనతారకి అలా మరోసారి..
- IndiaGlitz, [Saturday,October 14 2017]
త‌మిళంలో లేడీ సూప‌ర్‌స్టార్‌గా పేరు తెచ్చుకున్న న‌య‌న‌తార.. ప్ర‌స్తుతం చేతినిండా సినిమాల‌తో ఫుల్ బిజీగా ఉంది. తెలుగులో బాల‌కృష్ణ 102వ చిత్రంలోనూ న‌య‌న్ నాయిక‌గా న‌టిస్తున్న సంగ‌తి తెలిసిందే. కాగా, ఆమె న‌టించిన తాజా హీరోయిన్ ఓరియెంటెడ్‌ చిత్రం అర‌మ్ తెలుగులో క‌ర్త‌వ్యం పేరుతో విడుద‌ల కానున్న సంగ‌తి తెలిసిందే. ఈ చిత్రాన్ని న‌వంబ‌ర్ 3న రెండు భాష‌ల్లోనూ ఒకేసారి విడుద‌ల చేయ‌డానికి స‌న్నాహాలు జ‌రుగుతున్నాయి.
ఇదిలా ఉంటే.. రెండేళ్ల క్రితం న‌య‌న‌తార ప్ర‌ధాన పాత్ర‌లో న‌టించిన మాయ అనే త‌మిళ చిత్రం మ‌యూరి పేరుతో విడుద‌లై విజ‌యం సాధించిన సంగ‌తి తెలిసిందే. 1985లో వ‌చ్చిన బ్లాక్‌బ‌స్ట‌ర్ తెలుగు చిత్రం మ‌యూరి టైటిల్‌ని మరోసారి వాడి హిట్ కొట్టిన న‌య‌న.. ఇప్పుడు 1990 నాటి విజ‌య‌శాంతి బ్లాక్‌బ‌స్ట‌ర్ హిట్ చిత్రం క‌ర్త‌వ్యంని.. త‌న తాజా చిత్రంకి టైటిల్ చేసుకుంది. మ‌రి రెండోసారి కూడా పాత టైటిల్ న‌య‌న‌కి వ‌ర్క‌వుట్ అవుతుందేమో చూడాలి.