பொதுவாக லோகேஷ் கனகராஜ் இயக்கும் படங்களில் தான் அவரது முந்தைய படங்களின் கேரக்டர்கள் வரும் என்றும் எனவே அவரது படங்களை எல்சியூ படங்கள் அதாவது லோகேஷ் சினிமா யுனிவர்ஸ் என்று ரசிகர்கள் அழைத்து வருவார்கள் என்பதும் தெரிந்ததே. மேலும் அவர் தற்போது இயக்கி வரும் ’லியோ’ படத்தில் கூட அவரது முந்தைய படங்களின் கேரக்டர்கள் இடம்பெற்று இருக்கிறது என்று கூறப்படுகிறது.

இந்த நிலையில் லோகேஷை அடுத்து மாரி செல்வராஜ் இயக்கிய ‘மாமன்னன்’ திரைப்படமும் சினிமா யுனிவர்ஸ் படம் என்று கூறப்படுவது பரபரப்பு ஏற்படுத்தி உள்ளது. மாரி செல்வராஜ் இயக்கத்தில் தனுஷ் நடிப்பில் உருவான ’கர்ணன்’ திரைப்படத்தில் இடம்பெற்ற ஒரு கேரக்டர் ‘மாமன்னன்’ படத்தில் இடம் பெற்று இருப்பதாக தெரிகிறது.

’கர்ணன்’ திரைப்படத்தில் லால் நடித்த எமராஜா என்ற தாத்தா கேரக்டரை ‘மாமன்னன்’ படத்தில் நடித்துள்ள வடிவேலு கையில் டாட்டூ குத்தி உள்ளார். இது குறித்த புகைப்படங்கள் இணையதளங்களில் வைரல் ஆகி வருவதை அடுத்து ‘மாமன்னன்’ திரைப்படம் மாரி செல்வராஜ் சினிமா யுனிவர்ஸ் படம் என்று கூறப்படுகிறது. இந்த தகவல் ரசிகர்களுக்கு பெரும் ஆச்சரியத்தை ஏற்படுத்தியுள்ளது.

லோகேஷ் கனகராஜ் போல் மாரி செல்வராஜ் தனது அடுத்தடுத்த படங்களில் தனது முந்தைய படங்களின் கேரக்டர்களை புகுத்தி மாரி செல்வராஜ் சினிமா யுனிவர்ஸ் என்பதை ஏற்படுத்துவாரா? என்பதை பொறுத்திருந்து பார்ப்போம்.