சூப்பர் ஸ்டார் ரஜினிகாந்த் சிறப்பு தோற்றத்தில் நடித்த ’லால் சலாம்’ திரைப்படத்தை ஐஸ்வர்யா ரஜினிகாந்த் இயக்கியிருந்த நிலையில் அந்த படம் எதிர்பார்த்த வெற்றி பெறவில்லை. இந்நிலையில் ஐஸ்வர்யா ரஜினியின் அடுத்த படத்தில் நடிக்க பிரபல ஹீரோ ஒருவரிடம் பேச்சுவார்த்தை நடத்தப்பட்டு வருவதாகவும் இந்த படத்தில் சிறப்பு தோற்றத்தில் ரஜினி உள்பட யாரும் இல்லை என்றும் கூறப்பட்டு வருகிறது.

’லால் சலாம்’ திரைப்படம் மிகப்பெரிய எதிர்பார்ப்பை ஏற்படுத்தி இருந்தாலும் அந்த படம் எதிர்பார்ப்பை பூர்த்தி செய்யவில்லை என்ற நிலையில் அடுத்த படத்திற்கான பணியை ஐஸ்வர்யா ரஜினிகாந்த் தொடங்கிவிட்டதாக கூறப்படுகிறது.

மீண்டும் ஒரு சமூக பிரச்சனையை மையமாக வைத்து ஒரு கதை எழுதியுள்ள ஐஸ்வர்யா ரஜினிகாந்த் அந்த கதையை நடிகர் சித்தார்த்திடம் கூறியிருப்பதாகவும் இருவரும் ஒரு படத்தில் இணைய அதிக வாய்ப்பு இருப்பதாகவும் கூறப்படுகிறது.

ஐஸ்வர்யா சொன்ன கதை சித்தார்த்துக்கு பிடித்து விட்டதாகவும் இந்த படத்தில் நான் நடிக்கிறேன் என்று அவர் உறுதி கூறி இருப்பதாகவும் விரைவில் இந்த படம் குறித்த அறிவிப்பு வெளியாகும் என்றும் கூறப்படுகிறது.