சமீபத்தில் வெளியாகி மிகப்பெரிய வெற்றி பெற்ற ‘பொன்னியின் செல்வன்’ திரைப்படத்தில் குந்தவை என்ற கேரக்டரில் நடிகை த்ரிஷா நடித்து இருந்தார் என்பதும் அழகும் அறிவும் ஒருங்கே அமைந்த இந்த கேரக்டரில் அவர் மிகப் பொருத்தமாக இருந்தார் என்று விமர்சனங்கள் குவிந்தன என்பதும் தெரிந்ததே.

இந்த நிலையில் குந்தவை கேரக்டரை அடுத்து அவர் நடித்து வரும் ’தி ரோடு’ என்ற திரைப்படத்தில் அதிரடி ஆக்ஷன் கேரக்டரை கையில் எடுத்துள்ளார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் தீபாவளி சிறப்பு வீடியோ வெளியாகியுள்ளது. இந்த வீடியோவில் இந்த படத்தின் டீஸர் மிக விரைவில் வெளியாகும் என அறிவிக்கப்பட்டுள்ளது.

கடந்த 2000ம் ஆண்டு மதுரையில் நடந்த உண்மை கதையை அடிப்படையில் உருவாகி வரும் இந்தப் படத்தில் த்ரிஷா உடன் சந்தோஷ் பிரதாப், சபீர், மியா ஜார்ஜ், எம்எஸ் பாஸ்கர் உள்பட பலர் நடிக்கின்றனர். அருண் வசீகரன் இயக்கத்தில் உருவாகும் இந்த படத்திற்கு சாம் சிஎஸ் இசையமைக்கிறார். இந்த படத்திற்கு கேஜி வெங்கடேஷ் ஒளிப்பதிவும், நாகூரான் படத்தொகுப்பு பணியும் செய்கின்றனர்.