கார்த்தியை அடுத்து சூர்யாவுக்கும் ஜோடியான 'கர்ணன்' நாயகி!
- IndiaGlitz, [Monday,May 03 2021]
தனுஷ் நடிப்பில் மாரி செல்வராஜ் இயக்கத்தில் உருவான ‘கர்ணன்’ திரைப்படம் மிகப் பெரிய வெற்றி பெற்ற நிலையில் இந்த படத்தின் நாயகியாக நடித்த ரஜிஷா விஜயன் சமீபத்தில் கார்த்தி நடிக்கும் ‘சர்தார்’ படத்தில் அவருக்கு ஜோடியாக நடிக்க ஒப்பந்தம் ஆனார் என்பது தெரிந்ததே. இந்த படத்தை இயக்குனர் பிஎஸ் மித்ரன் இயக்கி வருகிறார் என்பது குறிப்பிடத்தக்கது
இந்நிலையில் கார்த்தியை அடுத்து தற்போது சூர்யாவுக்கும் ஜோடியாக நடிக்க ரஜிஷா விஜயன் ஒப்பந்தமாகி உள்ளதக தகவல் வெளிவந்துள்ளது. ‘கூட்டத்தில் ஒருவன்’ இயக்குனர் ஞானவேல் என்பவரின் அடுத்த திரைப்படத்தில் சூர்யா சிறப்பு தோற்றத்தில் நடித்து வருகிறார் என்பது தெரிந்ததே
இந்த படத்தில் தான் சூர்யாவுக்கு ஜோடியாக நடிக்க உள்ளார் ரஜிஷா விஜயன். இந்த படத்தில் பழங்குடி இனத்தவர்களுக்காக போராடும் கேரக்டரில் சூர்யா நடித்து வருகிறார் என்பதும் அவருக்கு ஜோடியாகவும் சூர்யாவின் போராட்டத்திற்கு ஆதரவாகவும் உள்ள ஒரு கேரக்டரில் ரஜிஷா விஜயன் நடித்து வருகிறார் என்றும் கூறப்படுகிறது. இந்த படத்தை சூர்யாவின் 2டி எண்டர்டெயின்மெண்ட் நிறுவனம் தயாரித்து வருகிறது என்பது குறிப்பிடத்தக்கது