கமல், விஜய் சேதுபதி பாணியில் கார்த்தி.. என்ன செய்துள்ளார் பாருங்கள்..!
- IndiaGlitz, [Wednesday,July 19 2023]
கமல்ஹாசன், விஜய் சேதுபதி பாணியில் முன்னணி நடிகர் ஒருவரின் திரைப்படத்திற்கு கார்த்தி குரல் கொடுத்துள்ளதாக தகவல் வெளியாகி உள்ளன.
மணிரத்னம் இயக்கத்தில் உருவான ’பொன்னின் செல்வன்’ படத்தின் இரண்டு பாகங்களுக்கும் கதை சுருக்கத்திற்கு கமல்ஹாசன் குரல் கொடுத்திருந்தார் என்பது தெரிந்ததே. அதேபோல் சமீபத்தில் வெளியான சிவகார்த்திகேயனின் ’மாவீரன்’ என்ற திரைப்படத்தில் அசரீரி குரலாக விஜய் சேதுபதி குரல் கொடுத்திருந்தார் என்பது குறிப்பிடத்தக்கது.
இந்நிலையில் விஷால் நடிப்பில் உருவாகியுள்ள ’மார்க் ஆண்டனி’ திரைப்படத்தில் நடிகர் கார்த்தி குரல் கொடுத்திருப்பதாக தகவல் வெளியாகி உள்ளன. நடிகர் கார்த்தி இந்த படத்தின் கதைச்சுருக்கத்தை பேசி உள்ளதாக கூறப்படுகிறது. இந்த தகவல் கார்த்தி மற்றும் விஷால் ரசிகர்களுக்கு ஆச்சரியத்தை ஏற்படுத்தியுள்ளது.
விஷால், எஸ்ஜே சூர்யா, செல்வராகவன், ரிது வர்மா உள்ளிட்ட பலர் நடிப்பில் ஆதிக் ரவிச்சந்திரன் இயக்கத்தில் ஜிவி பிரகாஷ் இசையில் உருவாகியுள்ள ’மார்க் ஆண்டனி’ திரைப்படம் செப்டம்பர் 15ஆம் தேதி திரையரங்குகளில் வெளியாக உள்ளது என்பது குறிப்பிடத்தக்கது