காஜல் அகர்வாலை அடுத்து தயாரிப்பாளராகும் பிரபல நடிகை!
- IndiaGlitz, [Tuesday,March 05 2019]
தென்னிந்திய திரையுலகின் முன்னணி நடிகையான காஜல் அகர்வால் சமீபத்தில் தயாரிப்பாளரான செய்தி தெரிந்ததே. காஜல் அகர்வால் தயாரிக்கும் முதல் படத்தை பிரசாந்த் வர்மா இயக்கவுள்ளார். இந்த படம் குறித்த அறிவிப்பு விரைவில் வெளிவரும் என எதிர்பார்க்கப்படுகிறது.
இந்த நிலையில் காஜல் அகர்வாலை அடுத்து பாலிவுட்டின் முன்னணி நடிகையான அலியா பட் தற்போது தயாரிப்பாளராகியுள்ளார். இவர் சமீபத்தில் 'எடர்னல் சன்ஷைன் புரடொக்சன்ஸ்' என்ற புதிய தயாரிப்பு நிறுவனத்தை தொடங்கியுள்ளார். இவரது தயாரிப்பு நிறுவனத்தை பிரபல பாலிவுட் தயாரிப்பாளர் கரண்ஜோஹர் தொடங்கி வைத்துள்ளார்.
அலியா பட் தயாரிக்கும் முதல் படத்தின் ஹீரோ யார் என்பது குறித்த தகவல் விரைவில் வெளிவரவுள்ளதாகவும், இந்த படத்தில் அவரே நாயகியாகவும் நடிப்பார் என்றும் கூறப்படுகிறது.